രണ്ട് വര്‍ഷം മുമ്പാണ് റോബിന്‍ ഡ്രൈവറായി കരസേനയില്‍ പ്രവേശിച്ചത്. സെഗ്മെന്റില്‍ നിന്നും 300 കിലോമീറ്റര്‍ അകലെയാണ് അപകടം നടന്നത്
ഇടുക്കി: സൈനിക ട്രക്ക് മറിഞ്ഞ് ഇടുക്കി സ്വദേശിയായ ജവാന്‍ മരിച്ചു. കരസേനയിലെ അസ്സം റെജിമെന്റിലെ ട്രക്ക് ഡ്രൈവറായ ചേമ്പളം നന്തികാട്ട്(ചേനപ്പുര) ജോസഫിന്റെ(റജി) മകന്‍ റോബിന്‍(22) ആണ് മരിച്ചത്. ഞായറാഴ്ച വൈകുന്നേരത്തോടെ റോബിന്‍ ഓടിച്ചിരുന്ന ട്രക്ക് കൊക്കയിലേക്ക് മറിയുകയായിരുന്നു എന്നാണ് കരസേന വീട്ടുകാരെ അറിയിച്ചത്.
രണ്ട് വര്‍ഷം മുമ്പാണ് റോബിന്‍ ഡ്രൈവറായി കരസേനയില്‍ പ്രവേശിച്ചത്. സെഗ്മെന്റില്‍ നിന്നും 300 കിലോമീറ്റര്‍ അകലെയാണ് അപകടം നടന്നത്. മൃതദേഹം നാട്ടിലെത്തിക്കുന്നതിനുള്ള നടപടികള്‍ കരസേന സ്വീകരിച്ചു. മാതാവ് സെലിന്‍. ബി.കോം വിദ്യാര്‍ത്ഥിനി റോസ്മി ഏക സഹോദരിയാണ്.