പ്രമുഖ ഇസ്രായേൽ കവി അമീർ ഓർ പട്ടാമ്പിയിലെത്തുന്നു

പ്രമുഖ ഇസ്രായേൽ കവി അമീർ ഓർ പട്ടാമ്പിയിൽ എത്തുന്നു

പട്ടാമ്പി: പ്രമുഖ ഇസ്രായേൽ കവി അമീർ ഓർ പട്ടാമ്പിയിൽ എത്തുന്നു. പട്ടാമ്പി ഗവൺമെന്റ് കോളേജിലാണ് കവി എത്തുന്നത്. കോളേജിലെ മലയാള വിഭാഗം സംഘടിപ്പിക്കുന്ന കവിതയുടെ കാർണിവൽ ഏഴാം പതിപ്പിന്റെ ഉദ്ഘാടന വേദിയിൽ വിശിഷ്ടാതിഥിയായാണ് അമീർ എത്തുന്നത്. 

ഹിബ്രു ഭാഷയിൽ കവിത എഴുതുന്ന അമീർ ഓറിന്റെ കവിതകളും നോവലുകളും അമ്പതിലധികം ലോകഭാഷകളിൽ വിവർത്തനം ചെയ്യപ്പെട്ടിട്ടുണ്ട്. ഇസ്രയേലിന്റെ ഫലസ്തീൻ അധിനിവേശത്തിനെതിരെ വ്യത്യസ്ത നിലപാട് സ്വീകരിക്കുന്ന അമീർ ജെറുസലേമിലെ ഹിബ്രു സർവ്വകലാശയിൽ പ്രാചീന ഗ്രീക്ക് മതപഠന വിഭാഗത്തിൽ പ്രൊഫസർ ആണ്.

 കാർണിവൽ ഉദ്ഘാടനവേദിയിൽ അമീർ ഒറിനെ കൂടാതെ സച്ചിദാനന്ദൻ, കെ ജി എസ്, വി കെ ശ്രീരാമൻ  തുടങ്ങിയവരും  പങ്കെടുക്കും  ഫെബ്രുവരി 27, 28, 29 തീയതികളിലാണ്  കവിതയുടെ കാർണിവൽ നടക്കുന്നത്. രാജ്യത്തിനകത്തും നിന്നും പുറത്തുനിന്നും നൂറോളം കവികളും സാംസ്കാരിക പ്രവർത്തകരും കവിതയുടെ കാർണിവലിൽ അതിഥിയായി എത്തുന്നുണ്ട്.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം