നിയമസഭാ തെരഞ്ഞെടുപ്പ്: തിങ്കളാഴ്ച കോഴിക്കോട് നിന്ന് പിടിച്ചെടുത്തത് 1.24 ലക്ഷം രൂപ

 ഇലക്ഷൻ സ്‌ക്വാഡുകൾ ഇതുവരെ 24,58,080 രൂപയാണ് പിടിച്ചെടുത്തത്...

കോഴിക്കോട്: നിയമസഭാ തെരഞ്ഞെടുപ്പ് നിരീക്ഷണത്തിന്റെ ഭാഗമായി നിയോഗിച്ച സ്‌ക്വാഡ് നാദാപുരത്ത് നിന്നും തിങ്കളാഴ്ച 1,24,000 രൂപ പിടികൂടി. തുക കലക്ട്രേറ്റ് സീനിയർ ഫിനാൻസ് ഓഫീസറുടെ നേതൃത്വത്തിലുള്ള അപ്പീൽ കമ്മിറ്റിക്ക് കൈമാറി.

വോട്ടർമാരെ സ്വാധീനിക്കുന്നതിനായി പണം, മദ്യം, പാരിതോഷികങ്ങൾ തുടങ്ങിയവ നൽകുന്നത് നിരീക്ഷിക്കുന്നതിന്റെ ഭാഗമായി ജില്ലയിൽ ഇലക്ഷൻ ഫ്‌ലയിങ് സ്‌ക്വാഡുകളെയും സ്റ്റാറ്റിക് സർവൈലൻസ് ടീമുകളെയും നിയമസഭാ മണ്ഡലാടിസ്ഥാനത്തിൽ നിയോഗിച്ചിരുന്നു. ഇലക്ഷൻ സ്‌ക്വാഡുകൾ ഇതുവരെ 24,58,080 രൂപയാണ് പിടിച്ചെടുത്തത്.