കൊല്ലത്ത് അഞ്ചാം ക്ലാസുകാരന്റെ അപകട മരണം; ബൈക്ക് ഓടിച്ച 19 കാരന് ലൈസന്സില്ല, അറസ്റ്റിൽ
Synopsis
കൊല്ലം ശാസ്താംകോട്ടയിൽ ബൈക്കിടിച്ച് അഞ്ചാം ക്ലാസുകാരൻ മരിച്ച സംഭവത്തിൽ വാഹനമോടിച്ച 19 കാരൻ അറസ്റ്റിൽ. തെക്കുംഭാഗം സ്വദേശി ബേസിലിൻ ബ്രിട്ടോയാണ് ശാസ്താംകോട്ട പൊലീസിന്റെ പിടിയിലായത്.
കൊല്ലം: കൊല്ലം ശാസ്താംകോട്ടയിൽ ബൈക്കിടിച്ച് അഞ്ചാം ക്ലാസുകാരൻ മരിച്ച സംഭവത്തിൽ വാഹനമോടിച്ച 19 കാരൻ അറസ്റ്റിൽ. തെക്കുംഭാഗം സ്വദേശി ബേസിലിൻ ബ്രിട്ടോയാണ് ശാസ്താംകോട്ട പൊലീസിന്റെ പിടിയിലായത്. പ്രതിക്ക് ലൈസൻസ് ഇല്ലെന്നും പൊലീസ് അറിയിച്ചു. ഇക്കഴിഞ്ഞ പതിനൊന്നാം തീയതിയാണ് കാരാളിമുക്ക് - കടപുഴ റോഡിലെ റെയിൽവേ മേൽപാലത്തിന് സമീപം അപകടമുണ്ടായത്.
സഹപാഠികൾക്കൊപ്പം ട്യൂഷൻ ക്ലാസിലേക്ക് പോവുകയായിരുന്ന കാരാളിമുക്ക് സ്വദേശി അഭിരാമിനെ ബൈക്ക് ഇടിക്കുകയായിരുന്നു. ബാഗിന്റെ വള്ളി ബൈക്കിന്റെ ഹാൻഡിലിൽ കുടുങ്ങിയതോടെ കുട്ടിയെ വലിച്ചിഴച്ച് ബൈക്ക് മുന്നോട്ട് നീങ്ങി. കുട്ടി തെറിച്ച് വീണതിന് പിന്നാലെ യുവാവ് ബൈക്കുമായി രക്ഷപ്പെടുകയായിരുന്നു. ഗുരുതരാവസ്ഥയിൽ തിരുവനന്തപുരത്തെ സ്വകാര്യ ആശുപത്രിയിൽ ചികിത്സയിലിരിക്കെയാണ് അഭിരാം മരിച്ചത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam