ഒരാഴ്ച്ചയായി എംവിഡി ഓഫിസിൽ വൈദ്യുതി മുടക്കം, 3 മാസമായി ബില്ല് അടച്ചിട്ടില്ലെന്ന് കെഎസ്ഇബി; കുടിശ്ശിക ഒരു ലക്ഷത്തോളം രൂപ

കാസർകോട് എംവിഡി എൻഫോഴ്സ്മെന്റ് ഓഫീസിൽ വൈദ്യുതി ബിൽ കുടിശ്ശികയായതിനെ തുടർന്ന് ഫ്യൂസ് ഊരി കെഎസ്ഇബി. എ ഐ ക്യാമറ കൺട്രോൾ റൂം ഉൾപ്പെടെയുള്ള ഓഫീസിന്റെ പ്രവർത്തനം ഒരാഴ്ചയായി നിലച്ചിരിക്കുകയാണ്. ഏകദേശം ഒരു ലക്ഷം രൂപയാണ് ബിൽ അടയ്ക്കാനുള്ളത്. 

കാസർകോട്: ബില്ല് അടക്കാതായതോടെ എംവിഡി ഓഫിസിന്റെ ഫ്യൂസ് ഊരി കെ എസ് ഇ ബി. ഇതോടെ ഒരാഴ്ചയായി ഓഫീസിൽ വൈദ്യുതി ഇല്ല. മൂന്ന് മാസമായി ബില്ല് കുടിശ്ശിക വന്നതോടെയാണ് കെ എസ് ഇ ബിയുടെ ഈ നടപടി. ഏതാണ്ട് ഒരു ലക്ഷത്തോളം രൂപ ബില്ല് അടക്കാൻ ഉണ്ടെന്നാണ് കെ എസ് ഇ ബി പറയുന്നത്. എ ഐ കൺട്രോൾ റൂം പ്രവർത്തിക്കുന്ന എം വി ഡി എൻഫോഴ്സ്മെന്റ് ഓഫീസിലാണ് വൈദ്യുതി വിച്ഛേദിച്ചത്. പണം ഉടൻ അടയ്ക്കുമെന്നാണ് എം വി ഡിയുടെ വിശദീകരണം. അതേ സമയം വൈദ്യുതി കണക്ഷൻ വിച്ചേധിക്കപ്പെട്ടതിനാൽ ഈ ഓഫീസിലെ പ്രവർത്തനം തത്കാലികമായി തടസപ്പെട്ടതായി അറിയിച്ചു കൊണ്ടുള്ള നോട്ടീസ് എം വി ഡി പതിപ്പിച്ചിട്ടുണ്ട്.