കുട്ടനാട് എംഎൽഎയുടെ കാറിടിച്ച് ബൈക്ക് യാത്രക്കാരന് പരിക്ക്; എംഎൽഎ മദ്യപിച്ച് വാഹനമോടിച്ചെന്ന ആരോപണവുമായി ഡിവൈഎഫ്ഐ, നിഷേധിച്ച് റെജി ചെറിയാൻ

Published : Jun 29, 2026, 10:58 PM IST
car accident

Synopsis

പോലീസ് എത്തുന്നതിനുമുമ്പ് അപകടസ്ഥലത്ത് നിന്ന് എംഎൽഎ പോയെന്നും എംഎൽഎയെ വൈദ്യ പരിശോധനയ്ക്ക് വിധേയനാക്കണമെന്നും ഡിവൈഎഫ്ഐ നേതാവ് ആവശ്യപ്പെട്ടു. ആരോപണങ്ങൾ അടിസ്ഥാനരഹിതമാണെന്ന് എംഎൽഎ വ്യക്തമാക്കി.

ആലപ്പുഴ: കുട്ടനാട് എംഎൽഎ റെജി ചെറിയാന്റെ കാറിടിച്ച് ബൈക്ക് യാത്രക്കാരന് പരിക്ക്. ആലപ്പുഴ ചങ്ങനാശ്ശേരി റോഡിൽ ചമ്പക്കുളത്ത് രാത്രി എട്ടുമണിയോടെയായിരുന്നു അപകടം. നെടുമുടി സ്വദേശിയായ ബൈക്ക് യാത്രികൻ സുനീഷിനാണ് പരിക്കേറ്റത്. അമിതവേഗത്തിൽ എത്തിയ ബൈക്ക് കാറിലേക്ക് ഇടിച്ചു കയറുകയായിരുന്നെന്ന് റെജി ചെറിയാൻ പറഞ്ഞു. 

എന്നാൽ അപകടം നടന്ന സമയത്ത് എംഎൽഎയാണ് വാഹനം ഓടിച്ചതെന്നും എംഎൽഎ മദ്യപിച്ചിരുന്നെന്നും ഡിവൈഎഫ്ഐ ജില്ലാ പ്രസിഡൻറ് ജെയിംസ് സാമുവൽ ആരോപിച്ചു. പോലീസ് എത്തുന്നതിനുമുമ്പ് അപകടസ്ഥലത്ത് നിന്ന് എംഎൽഎ പോയെന്നും എംഎൽഎയെ വൈദ്യ പരിശോധനയ്ക്ക് വിധേയനാക്കണമെന്നും ഡിവൈഎഫ്ഐ നേതാവ് ആവശ്യപ്പെട്ടു.

ആരോപണങ്ങൾ അടിസ്ഥാനരഹിതമാണെന്ന് എംഎൽഎ വ്യക്തമാക്കി. പൊലീസ് സ്ഥലത്തെത്തിയ ശേഷമാണ് താൻ സ്ഥലത്തുനിന്ന് പോയതെന്നും അപകടത്തിൽപ്പെട്ടയാളെ ആംബുലൻസിൽ ആശുപത്രിയിലേക്ക് കൊണ്ടുപോകുന്നതുവരെ താൻ സ്ഥലത്തുണ്ടായിരുന്നുവെന്നും എംഎൽഎ പറഞ്ഞു. അപകട ശേഷവും എംഎൽഎ സ്ഥലത്തുണ്ടായിരുന്നു എന്നതിന് തെളിവായി ചില ദൃശ്യങ്ങളും അദ്ദേഹത്തിന്റെ അനുയായികൾ പുറത്തുവിട്ടു.

 

PREV

കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News  അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

 

Read more Articles on
click me!

Recommended Stories

'വേലി തന്നെ വിളവ് തിന്നു'! ചിക്കന്‍ സ്റ്റാളില്‍ കവര്‍ച്ച നടത്തിയത് ജീവനക്കാരന്‍ തന്നെ; 32,000 രൂപ കവർന്നു, അതിഥി തൊഴിലാളിയെയും വിട്ടില്ല
പാളയം ബസ് സ്റ്റാന്‍റിന് സമീപം കഴുത്തില്‍ കത്തിവെച്ച് ഗൂഗിള്‍ പേ വഴി അയപ്പിച്ചത് 37300 രൂപ; യുവാവിനെ ഓടിച്ചിട്ട് പിടികൂടി പൊലീസ്