ചോദിച്ച റൂം തുറന്ന് കൊടുത്തില്ല; ലോഡ്ജ് ജീവനക്കാരനെ ആക്രമിച്ചു,ഫോണ് പിടിച്ചു പറിച്ചു; ഒരാൾ അറസ്റ്റിൽ
Synopsis
ഇക്കഴിഞ്ഞ ഏപ്രില് 28 ന് ആയിരുന്നു പരാതിക്കിടയാക്കിയ സംഭവം. രാത്രി കല്പ്പറ്റ ചന്ദ്രഗിരി ഇന് ലോഡ്ജില് അതിക്രമിച്ചു കയറിയാണ് മൂന്ന് യുവാക്കള് അതിക്രമം കാണിച്ചത്.
കല്പ്പറ്റ: ലോഡ്ജില് അതിക്രമിച്ചു കയറി ജീവനക്കാരനെ മര്ദ്ദിച്ച് മൊബൈല് ഫോണ് പിടിച്ചു പറിച്ചെന്ന കേസില് യുവാവ് അറസ്റ്റില്. കല്പ്പറ്റ മെസ്സ് ഹൗസ് റോഡ് മാട്ടില് വീട്ടില് നൗഷിര് എന്ന അങ്കു(37)വിനെയാണ് കല്പ്പറ്റ പൊലീസ് സബ് ഇന്സ്പെക്ടര് അനീഷും സംഘവും അറസ്റ്റ് ചെയ്തത്. സംഭവത്തിന് ശേഷം ഒളിവിലായിരുന്ന പ്രതിയെ ബുധനാഴ്ച്ച പുലര്ച്ചെ കല്പ്പറ്റയില് വെച്ചാണ് പിടികൂടിയത്. മോഷണം, എന്ഡിപിഎസ്, അടിപിടി തുടങ്ങി നിരവധി കേസുകളില് പ്രതിയാണ് പിടിയിലായ നൗഷിര്.
ഈ കേസില് ഇനിയും രണ്ടുപേരെ കൂടി പിടികൂടാനുള്ളതായി പൊലീസ് അറിയിച്ചു. ഇക്കഴിഞ്ഞ ഏപ്രില് 28 ന് ആയിരുന്നു പരാതിക്കിടയാക്കിയ സംഭവം. രാത്രി കല്പ്പറ്റ ചന്ദ്രഗിരി ഇന് ലോഡ്ജില് അതിക്രമിച്ചു കയറിയാണ് മൂന്ന് യുവാക്കള് അതിക്രമം കാണിച്ചത്. ഇവര് ആവശ്യപ്പെട്ട റൂം തുറന്നു കൊടുത്തില്ലെന്ന് ആരോപിച്ചായിരുന്നു ജീവനക്കാരനെ മര്ദിക്കുകയും ഫോണ് പിടിച്ചു പറിച്ച് കടന്നു കളയുകയും ചെയ്തത്.
മലദ്വാരത്തിലും മദ്യക്കുപ്പിയിലുമായി ആകാശമാർഗം എത്തിച്ചത് കോടികളുടെ 'മൊതൽ'; ഒരാൾ അറസ്റ്റിൽ
ഏഷ്യാനെറ്റ് ന്യൂസ് വാർത്തകൾ തത്സമയം കാണാം