ഇമ്മാതിരി 'തമാശ' ഇനിയൊരിക്കലും പറയില്ല! കൊച്ചി വിമാനത്താവളത്തിൽ യുവാവ് ബാഗിനുള്ളിൽ ബോംബുണ്ടെന്ന് 'തമാശ' പറഞ്ഞു; ഉടൻ അറസ്റ്റ്

കൊച്ചി രാജ്യാന്തര വിമാനത്താവളത്തിൽ സുരക്ഷാ പരിശോധനയ്ക്കിടെ ബാഗിൽ ബോംബുണ്ടെന്ന് തമാശ പറഞ്ഞ യാത്രക്കാരൻ അറസ്റ്റിലായി.  ബാഗിൽ സംശയാസ്പദമായി ഒന്നുമില്ലെന്ന് കണ്ട് ജാമ്യത്തിൽ വിട്ടു

കൊച്ചി: കൊച്ചി രാജ്യാന്തര വിമാനത്താവളത്തിൽ സുരക്ഷാ പരിശോധനയ്ക്കിടെ ബാഗിൽ ബോംബുണ്ടെന്ന് 'തമാശ' പറഞ്ഞ യാത്രക്കാരൻ അറസ്റ്റിലായി. എയർ ഇന്ത്യ എക്സ്പ്രസ് വിമാനത്തിൽ യാത്ര ചെയ്യാനെത്തിയ ബംഗളൂരു സ്വദേശി ശ്രീധർ (59) ആണ് സുരക്ഷാ വിഭാഗത്തിന്റെ പരിശോധനക്കിടെ തന്‍റെ ബാഗിൽ ബോംബുണ്ടെന്ന് പറഞ്ഞത്. സുരക്ഷാവിഭാഗത്തിന്റെ പരാതിയെ തുടർന്ന് നെടുമ്പാശ്ശേരി പൊലീസ് സ്ഥലത്തെത്തി ശ്രീധറിനെ അറസ്റ്റ് ചെയ്തു. പരിശോധയിൽ ബാഗിനുള്ളിൽ സംശയാസ്പദമായി ഒന്നുമില്ലാത്തതിനെ തുടർന്ന് ജാമ്യം നൽകി ഇയാളെ പൊലീസ് വിട്ടയച്ചു.