കാണാതായ യുവാവിന്‍റെ മൃതദേഹം കായലിൽ കണ്ടെത്തി

ഫയർഫോഴ്സും, പോലീസുമെത്തി നാട്ടുകാരുടെ സഹായത്തോടെ നടത്തിയ തെരച്ചിലിലാണ് മൃതദേഹം കണ്ടെത്തിയത്. 

പൂച്ചാക്കൽ: വീട്ടിൽ നിന്നും കാണാതായ യുവാവിന്‍റെ മൃതദേഹം കായലിൽ കണ്ടെത്തി. പള്ളിപ്പുറം തിരുനല്ലൂർ തോട്ടുവക്കത്ത് ഗോപിനാഥിന്‍റെ മകൻ ഹരീഷ്കുമാറി(45)നെയാണ് കായലിൽ മരിച്ച നിലയിൽ കണ്ടെത്തിയത്. കഴിഞ്ഞ രാത്രി ഹരീഷിനെ വീട്ടിൽ നിന്നും കാണാതായത്. അന്വേഷണത്തിനിടെ തിരുനല്ലൂർ കായലോരത്ത് ചെരുപ്പ് കണ്ടെത്തി. 

ഫയർഫോഴ്സും, പോലീസുമെത്തി നാട്ടുകാരുടെ സഹായത്തോടെ നടത്തിയ തെരച്ചിലിലാണ് മൃതദേഹം കണ്ടെത്തിയത്. അസുഖ ബാധിതനായിരുന്ന ഹരീഷ് കുമാർ നിർമ്മാണ തൊഴിലാളിയാണ്. ചികിത്സാ ചിലവിന് പണമില്ലാതെ മാനസിക വിഷമം നേരിട്ടിരുന്നതായി സൂചനയുണ്ട്.