ആദ്യം പിടിയിലായ പ്രായപൂർത്തിയാകാത്ത പ്രതിയിൽ നിന്ന് വിവരം കിട്ടി; തിരുവനന്തപുരത്ത് വീടിന് മുന്നിൽ നിന്ന് ബൈക്ക് മോഷ്ടിച്ചയാൾ പിടിയിൽ

തിരുവനന്തപുരത്ത് വീടിന് സമീപം പാർക്ക് ചെയ്തിരുന്ന ബൈക്ക് മോഷ്ടിച്ച കേസിൽ 19-കാരൻ അറസ്റ്റിൽ. മണക്കാട് സ്വദേശിയുടെ ബൈക്ക് മോഷ്ടിച്ച പട്ടം സ്വദേശി ആഷിക് റഹ്മാനെയാണ് കരമന പൊലീസ് പിടികൂടിയത്. കേസിൽ ഉൾപ്പെട്ട പ്രായപൂർത്തിയാകാത്തയാളെ നേരത്തെ അറസ്റ്റ് ചെയ്തിരുന്നു.

​തിരുവനന്തപുരം: വീടിന് സമീപത്ത് പാർക്ക് ചെയ്‌തിരുന്ന ബൈക്ക് മോഷ്ടിച്ച കേസിൽ പ്രതി പിടിയിൽ. പട്ടം, കുന്നുകുഴി, പുഷ്പനഗർ സ്വദേശി ആഷിക് റഹ്മാൻ (19) ആണ് പൊലീസിന്റെ പിടിയിലായത്. കരമന പൊലീസാണ് പ്രതിയെ അറസ്റ്റ് ചെയ്‌തത്. കഴിഞ്ഞ മാസം മണക്കാട് സ്വദേശിയായ സന്തോഷ് കുമാറിന്റെ ബൈക്ക് മോഷ്ടിച്ച കേസിലാണ് അറസ്റ്റ്. സന്തോഷിൻ്റെ ഉടമസ്ഥതയിലുള്ള ബൈക്ക് വീടിന് സമീപത്ത് നിർത്തിയിട്ടതായിരുന്നു. ഈ വാഹനം പ്രായപൂർത്തിയാകാത്ത മറ്റൊരാളുടെ കൂടെ സഹായത്തോടെയാണ് ആഷിക് റഹ്മാൻ മോഷ്‌ടിച്ചത്. പ്രായപൂർത്തിയാകാത്ത ആളെ നേരത്തെ പൊലീസ് അറസ്റ്റ് ചെയ്തിരുന്നു. ആഷിക് റഹ്മാനെ കോടതിയിൽ ഹാജരാക്കി റിമാൻഡ് ചെയ്തു.