മില്ലി സെക്കന്റിന്റെ വില, ഓടുന്ന ബസിനടിയിലേക്ക് ചാടി ജീവനൊടുക്കാൻ യുവാവിന്റെ ശ്രമം, ബ്രേക്കിട്ട് ഡ്രൈവർ -വീഡിയോ

എന്നാല്‍ ഡ്രൈവറുടെ സമയോചിതമായ ഇടപെടലില്‍ വലിയ ദുരന്തം ഒഴിവാകുകയായിരുന്നു.

കോഴിക്കോട്: ഓടിക്കൊണ്ടിരുന്ന സ്വകാര്യ ബസ്സിനടയിലേക്ക് ചാടി അതിഥി തൊഴിലാളിയായ യുവാവിന്റെ ആത്മഹത്യാ ശ്രമം. കോഴിക്കോട് കല്ലായി റെയില്‍വേ സ്‌റ്റേഷന്‍ പരിസരത്ത് വച്ചാണ് സംഭവം നടന്നത്. ഇതിന്റെ ഞെട്ടിക്കുന്ന സിസിടിവി ദൃശ്യം പുറത്തുവന്നു. മെഡിക്കല്‍ കോളേജ്-കൊളത്തറ റൂട്ടില്‍ സര്‍വീസ് നടത്തുന്ന എമറാള്‍ഡ് ബസിന്റെ അടിയിലേക്കാണ് യുവാവ് അപ്രതീക്ഷിതമായി ചാടിയത്. എന്നാല്‍ ഡ്രൈവറുടെ സമയോചിതമായ ഇടപെടലില്‍ വലിയ ദുരന്തം ഒഴിവാകുകയായിരുന്നു. എന്നാല്‍ ആത്മഹത്യാ ശ്രമം പാളിയതിന് പിന്നാലെ ഇയാള്‍ ഇവിടെ നിന്നും ഓടി രക്ഷപ്പെട്ടു. റെയില്‍വേ സ്റ്റേഷന്‍ ഭാഗത്തേക്കാണ് ഇയാള്‍ ഓടിപ്പോയത്.

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക,അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക.Toll free helpline number: 1056, 0471-2552056)