തിരുവനന്തപുരത്ത് 3 ദിവസത്തേക്ക് ജലവിതരണം മുടങ്ങും; ആശങ്ക വേണ്ടെന്ന് മേയർ വിവി രാജേഷ്; ടാങ്കറുകളിൽ ശുദ്ധജലം എത്തിക്കും

ഇന്ന് 10 മണി മുതൽ മൂന്നു ദിവസത്തേക്ക് കഴക്കൂട്ടം മണ്ഡലത്തിൽ കരിക്കകം, അണമുഖം, പേട്ട വാർഡിന്റെ ഒരു ഭാഗം, മെഡിക്കൽ കോളേജ് ഭാഗം എന്നിവിടങ്ങളിൽ ഒഴികെയുള്ള ഇടങ്ങളിൽ ജല വിതരണം തടസ്സപ്പെടുമെന്നാണ് അറിയിപ്പ്.

തിരുവനന്തപുരം: തിരുവനന്തപുരത്ത് ജല അതോറിറ്റിയുടെ അറ്റകുറ്റപ്പണി നടക്കുന്നതിനാൽ കഴക്കൂട്ടം മണ്ഡലത്തിന്റെ വിവിധ ഭാഗങ്ങളിൽ ശുദ്ധജലം മുടങ്ങുന്ന സാഹചര്യത്തിൽ ബദൽ സംവിധാനം ഏർപ്പെടുത്തി കോർപ്പറേഷൻ. കോർപ്പറേഷൻ 65 ടാങ്കറുകളിൽ ശുദ്ധജലം എത്തിക്കും. ശുദ്ധജലവിതരണം പൂർണമായും സൗജന്യമായിരിക്കുമെന്നും ജനങ്ങൾക്ക് കുടിവെള്ളക്ഷാമം ഉണ്ടാകുമെന്ന് ആശങ്ക വേണ്ടെന്നും മേയർ വി വി രാജേഷ് പറഞ്ഞു. ഇന്ന് 10 മണി മുതൽ മൂന്നു ദിവസത്തേക്ക് കഴക്കൂട്ടം മണ്ഡലത്തിൽ കരിക്കകം, അണമുഖം, പേട്ട വാർഡിന്റെ ഒരു ഭാഗം, മെഡിക്കൽ കോളേജ് ഭാഗം എന്നിവിടങ്ങളിൽ ഒഴികെയുള്ള ഇടങ്ങളിൽ ജല വിതരണം തടസ്സപ്പെടുമെന്നാണ് അറിയിപ്പ്.