നക്സൽ നേതാവ് കുന്നേൽ കൃഷ്ണൻ അന്തരിച്ചു

ഹൈസ്കൂൾ പഠനകാലത്ത് കെഎസ്എഫിൽ ചേർന്ന് നക്സലൈറ്റ് വർഗീസിനൊപ്പം പ്രവർത്തിച്ചു. 

തിരുവനന്തപുരം:  കേരളത്തിലെ നക്സൽ ബാരി പ്രസ്ഥാനത്തിലെ പ്രധാനിയായിരുന്ന കുന്നേൽ കൃഷ്ണൻ അന്തരിച്ചു. 85 വയസ്സായിരുന്നു. തിരുവനന്തപുരത്ത് ആർസിസിയിൽ അർബുദത്തിന് ചികിത്സയിലായിരുന്നു. 1948ലാണ് കൃഷ്ണൻ തൊടുപുഴയിൽ നിന്ന് വയനാട്ടിലെ വാളാട് എത്തുന്നത്. ഹൈസ്കൂൾ പഠനകാലത്ത് കെഎസ്എഫിൽ ചേർന്ന് നക്സലൈറ്റ് വർഗീസിനൊപ്പം പ്രവർത്തിച്ചു. കായണ്ണ പൊലീസ് സ്റ്റേഷൻ ആക്രമണം, കേണിച്ചിറ മഠത്തിൽ മത്തായി കൊലക്കേസ് അടക്കം നിരവധി ജന്മിമാരെ ആക്രമിച്ച കേസിലെ പ്രതിയാണ്. പിടിയിലായപ്പോൾ കക്കയം ക്യാമ്പിൽ അതിക്രൂരമായ പൊലീസ് പീഡനത്തിന് ഇരയായിട്ടുണ്ട്. മരിക്കുംവരെ നക്സലൈറ്റ് ആശയങ്ങളിൽ അടിയുറച്ചു നിന്നിരുന്നു കുന്നേൽ കൃഷ്ണൻ. 

ഏഷ്യാനെറ്റ് ന്യൂസ് ലൈവ്