പുല്ലരിയാൻ വയലിൽ പോയ സ്ത്രീകൾ കണ്ടത് രണ്ട് ബക്കറ്റുകൾ; പരിശോധിച്ചപ്പോള്‍ കണ്ടെത്തിയത് 9 സ്റ്റീൽ ബോംബുകൾ

ബോംബ് സ്‌ക്വാഡ് സ്ഥലത്തെത്തി സ്റ്റീൽ ബോംബുകള്‍ നിര്‍വീര്യമാക്കുകയായിരുന്നു

കണ്ണൂര്‍: കണ്ണൂർ മട്ടന്നൂർ കോളാരിയിൽ ഒൻപത് സ്റ്റീൽ ബോംബുകൾ കണ്ടെടുത്തു. സ്വകാര്യ വ്യക്തിയുടെ പാടത്താണ് രണ്ട് ബക്കറ്റിലായി സൂക്ഷിച്ച ബോംബുകൾ കണ്ടെത്തിയത്. വയലിൽ പുല്ലരിയാൻ പോയ സ്ത്രീ ബോംബുകൾ കണ്ട് നാട്ടുകാരെയും അവർ പോലീസിലും അറിയിക്കുകയായിരുന്നു. ബോംബ് സ്‌ക്വാഡ് സ്ഥലത്തെത്തി നിർവീര്യമാക്കി. ആർഎസ് എസ് കേന്ദ്രത്തിലാണ് ബോംബ് പിടികൂടിയതെന്നും സമഗ്ര അന്വേഷണം വേണമെന്നും സിപിഎം ആവശ്യപ്പെട്ടു. പെയിന്‍റ് ബക്കറ്റുകള്‍ക്കുള്ളിലായിരുന്നു ബോംബുകളുണ്ടായിരുന്നത്.