സ്നേഹചലഞ്ചിന് ആഹ്വാനം ചെയ്ത് ഓർത്തഡോക്സ് സഭാധ്യക്ഷൻ; പെരുന്നാളിന് വെടിക്കെട്ട് വേണ്ട, വീടുവെച്ച് നൽകാം, ആഹ്വാനം യാഥാർത്ഥ്യമായി

ഈ ആശയം ഏറ്റെടുത്ത് ആദ്യം പൂർത്തിയാകുന്ന വീടാണ് ചന്ദനപ്പള്ളിയിലേത്. കടമറ്റം, പുതുപ്പള്ളി ഉൾപ്പെടെ നിരവധി പള്ളികളും സ്നേഹചലഞ്ച് യാഥാർത്ഥ്യമാക്കാനുള്ള പരിശ്രമത്തിലാണ്. 

കൊച്ചി: പള്ളിപ്പെരുന്നാളുകളിൽ വെടിക്കെട്ട് ഒഴിവാക്കി പാവപ്പെട്ടവർക്ക് വീട് വെച്ചുനൽകാനുള്ള ഓർത്തഡോക്സ് സഭാധ്യക്ഷന്റെ ആഹ്വാനം യാഥാർത്ഥ്യമായി. അർഹരായ കുടുംബത്തിന് 60 ദിവസത്തിനുള്ളിൽ വീടൊരുക്കി പത്തനംതിട്ട ചന്ദനപ്പള്ളി വലിയപള്ളി. പള്ളിയിലെ ലോക പ്രവാസി കൂട്ടായ്മയുടെ സഹകരണത്തോടെയാണ് വീട് നിർമ്മിച്ചത്. മുണ്ടത്തിക്കോട് വെടിക്കെട്ട് ദുരന്തത്തിന്റെ പശ്ചാത്തലത്തിൽ ഓർത്തഡോക്സ് സഭ പള്ളികളിൽ വെടിക്കെട്ട് ഒഴിവാക്കിയുള്ള സ്നേഹചലഞ്ചിന് കാതോലിക്കാ ബാവാ ആഹ്വാനം ചെയ്തിരുന്നു. ഈ ആശയം ഏറ്റെടുത്ത് ആദ്യം പൂർത്തിയാകുന്ന വീടാണ് ചന്ദനപ്പള്ളിയിലേത്. കടമറ്റം, പുതുപ്പള്ളി ഉൾപ്പെടെ നിരവധി പള്ളികളും സ്നേഹചലഞ്ച് യാഥാർത്ഥ്യമാക്കാനുള്ള പരിശ്രമത്തിലാണ്.