ധോണി വെള്ളച്ചാട്ടത്തിൽ വീണ് ഒരാളെ കാണാതായി, വര്‍ക്കലയിൽ തമിഴ്നാട് സ്വദേശി ചുഴിയിൽപ്പെട്ട് മരിച്ചു

 ട്രക്കിങ്ങിനിടെ കാൽ വഴുതി താഴേക്ക് വീഴുകയായിരുന്നുവെന്നാണ് ഒപ്പമുണ്ടായിരുന്നവര്‍ പറയുന്നത്. 

പാലക്കാട് : ധോണി വെള്ളച്ചാട്ടത്തിൽ വീണ് ഒരാളെ കാണാതായി.വിനോദ സഞ്ചാരത്തിനെത്തിയ അജിൻ എന്നയാളെയാണ് (18) കാണാതായത്. ഒമ്പത് പേരടങ്ങുന്ന സംഘത്തിനൊപ്പമാണ് അജിൻ ധോണിയിലെത്തിയത്. ട്രക്കിങ്ങിനിടെ കാൽ വഴുതി താഴേക്ക് വീഴുകയായിരുന്നുവെന്നാണ് ഒപ്പമുണ്ടായിരുന്നവര്‍ പറയുന്നത്. 

ബീച്ചിൽ കുളിക്കാൻ ഇറങ്ങിയ തമിഴ്നാട് സ്വദേശി ചുഴിയിൽപ്പെട്ട് മരിച്ചു

തിരുവനന്തപുരം: വർക്കല ഓടയം ബീച്ചിൽ കുളിക്കാൻ ഇറങ്ങിയ തമിഴ്നാട് സ്വദേശി ചുഴിയിൽപ്പെട്ട് മരിച്ചു. കോയമ്പത്തൂർ പല്ലടം സ്വദേശി അജയ് വിഘ്‌നേഷാണ് മരിച്ചത്. കൂടെയുണ്ടായിരുന്ന സുഹൃത്തിന്റെ നില ഗുരുതരം. വിനോദസഞ്ചരികളായി സമീപത്തെ റിസോർട്ടിൽ എത്തിയവരാണ് അപകടത്തിൽപെട്ടത്.