നീലവസന്തത്തിന് ഇനി ദിവസങ്ങള് മാത്രം
Synopsis
കുറിഞ്ഞി വസന്തം ഇനി രണ്ടാഴ്ച മാത്രം. പന്ത്രണ്ട് വര്ഷത്തെ കാത്തിരിപ്പിന് ശേഷം മൂന്നാര് മലനിരകളില് പൂത്തുലഞ്ഞ നീലവന്തം ഇനി രണ്ടാഴ്ച മാത്രമെ നീണ്ടുനില്ക്കുയുള്ളു. ഓഗസ്റ്റ് പകുതിയോടെയാണ് മൂന്നാറിലെ രാജമല, മറയൂര്, കാന്തല്ലൂര്, വട്ടവട, മീശപ്പുലിമല എന്നിവിടങ്ങളിലെ മലനിരകളില് നീലക്കുറിഞ്ഞികള് വ്യാപകമായി മൊട്ടിട്ട് തുടങ്ങിയത്.
ഇടുക്കി: കുറിഞ്ഞി വസന്തം ഇനി രണ്ടാഴ്ച മാത്രം. പന്ത്രണ്ട് വര്ഷത്തെ കാത്തിരിപ്പിന് ശേഷം മൂന്നാര് മലനിരകളില് പൂത്തുലഞ്ഞ നീലവന്തം ഇനി രണ്ടാഴ്ച മാത്രമെ നീണ്ടുനില്ക്കുയുള്ളു. ഓഗസ്റ്റ് പകുതിയോടെയാണ് മൂന്നാറിലെ രാജമല, മറയൂര്, കാന്തല്ലൂര്, വട്ടവട, മീശപ്പുലിമല എന്നിവിടങ്ങളിലെ മലനിരകളില് നീലക്കുറിഞ്ഞികള് വ്യാപകമായി മൊട്ടിട്ട് തുടങ്ങിയത്.
കാലവര്ഷം ശക്തിപ്രാപിച്ചതോടെ പൂവിരിയാന് കാലതാമസം നേരിട്ടു. ഇതിനിടയില് ചിലയിടങ്ങളില് കുറിഞ്ഞിച്ചെടികള് അഴുകിപ്പോവുകയും ചെയ്തു. എന്നാല് കാവലര്ഷത്തിന്റെ ശക്തി കുറഞ്ഞതോടെ കാന്തല്ലൂര്, മറയൂര്, വട്ടവട മേഖലകളില് വ്യാപകമായി കുറിഞ്ഞിച്ചെടികള് പൂവിട്ടുതുടങ്ങിയത്. ഓഗസ്റ്റ് അവസാനത്തോടെ രാജമലയിലെ കുന്നിന് ചെരിവുകളിലും കൊലുക്കുമലയിലെ മലകളിലും വ്യാപകമായി നീലവസന്തമെത്തി.
എന്നാല് തമിഴ്നാട് മഴ ശക്തിപ്രാപിച്ചതോടെയാണ് കൊലുക്കുമലയില് കുറിഞ്ഞിച്ചെടികള് വ്യാപകമായി ചീഞ്ഞു തുടങ്ങിയത്. മൂന്നാര് രാജലമലയിലും കുറിഞ്ഞിപ്പൂക്കളുടെ എണ്ണത്തില് കുറവുവന്നതായി അധികൃതര് പറയുന്നു. മൂന്ന് മാസമാണ് കുറിഞ്ഞിച്ചെടികളുടെ കാലാവധി. ഇത് ഒക്ടോബര് അവസാനത്തോടെ അവസാനിക്കുമെങ്കിലും വെയിലുണ്ടെങ്കില് ഡിസംബര് വരെ സീസന് നീണ്ടു നില്ക്കുമായിരുന്നു.
മഴ വില്ലനായതാണ് സീസന് നേരത്തെ അവസാനിക്കാന് കാരണമായത്. കുറിഞ്ഞി വസന്തം ആസ്വാദിക്കുവാന് എട്ട് ലക്ഷത്തിലധികം സന്ദര്ശകര് മൂന്നാറിലെത്തുമെന്നാണ് ടൂറിസം വകുപ്പ് അവകാശപ്പെട്ടിരുന്നത്. എന്നാല് പ്രതീക്ഷിക്കാതെയെത്തിയ പ്രളയം ടൂറിസം മേഖലയെ തകിടം മറിച്ചു.
ജില്ലയില് മണ്ണിടിച്ചല് വ്യാപകമായതോടെ വിദേശികളടക്കം വിനോദസഞ്ചാര മേഖലയെ ഒഴിവാക്കി. മൂന്നാറിലെ കോട്ടേജുകള്, റിസോര്ട്ടുകള് എന്നിവിടങ്ങള് ഇപ്പോഴും ഒഴിഞ്ഞിക്കിടക്കുകയാണ്. തമിഴ്നാട്, കേരള എന്നിവിടങ്ങളില് നിന്നും രാവിലെ എത്തുന്നവര് സന്ദര്ശനം പൂര്ത്തിയാക്കി വൈകുന്നേരത്തോടെ വീടുകളിലേക്ക് മടങ്ങുകയാണ്. വിദേശികളുടെ എണ്ണത്തില് കുറവുവന്നതാണ് വ്യാപാരമേഖലയ്ക്ക് തിരിച്ചടിയായത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam