അപകടരമാം വിധം കാറോടിച്ച് രക്ഷപ്പെടാൻ ഷഫീഖിന്റെ ശ്രമം, പുലിയായി പൊലീസ്, ഓടിച്ചിട്ട് പിടികൂടി
Synopsis
പൊലീസിനെ കണ്ടതോടെ കാര് അപകടകരമാം വിധത്തില് പിന്നിലേക്ക് ഓടിച്ച് ഇടിച്ചിടാനായി ശ്രമം. ഇത് പൊളിഞ്ഞതോടെ കാറുപേക്ഷിച്ച് ഇറങ്ങിയോടുകയായിരുന്നു.
കൊച്ചി: പരോളിലിറങ്ങി മുങ്ങിയ കുപ്രസിദ്ധ ഗുണ്ടയെ സാഹസികമായി പിടികൂടി ആലുവ പൊലീസ്. കടുവാ ഷഫീഖാണ് പൊലീസിന്റെ വലയിലായത്. അറസ്റ്റ് ചെയ്യാനെത്തിയ പൊലീസിന്റെ കണ്ണുവെട്ടിച്ചോടിയ കടുവാ ഷഫീഖിനെ പിന്തുടർന്ന് പിടികൂടുകയായിരുന്നു. 138 കിലോ കഞ്ചാവു കടത്തിയ കേസില് പത്തു വര്ഷം തടവ് ശിക്ഷയ്ക്ക് വിധിക്കപ്പെട്ട ഷഫീഖ് രണ്ടു വര്ഷം മുമ്പാണ് പരോളിലിറങ്ങി മുങ്ങിയത്. കഴിഞ്ഞ ദിവസം ഷഫീഖ് ആലുവ ചവറുപാടം ഭാഗത്തുണ്ടെന്നറിഞ്ഞാണ് പൊലീസ് സംഘം എത്തിയത്.
പൊലീസിനെ കണ്ടതോടെ കാര് അപകടകരമാം വിധത്തില് പിന്നിലേക്ക് ഓടിച്ച് ഇടിച്ചിടാനായി ശ്രമം. ഇത് പൊളിഞ്ഞതോടെ കാറുപേക്ഷിച്ച് ഇറങ്ങിയോടുകയായിരുന്നു. ഓടിയ ഷഫീഖിനെ പൊലീസ് ഓടിച്ചിട്ട് പിടിച്ചു. പ്രതിയെ ചാലക്കുടി പൊലീസിന് കൈമാറി. ആലുവ എസ്ഐ കെ. നന്ദകുമാറിന്റെ നേതൃത്വത്തിലുളള സംഘമാണ് കടുവ ഷഫീഖിനെ പിടികൂടിയത്.
Read more Articles on