വിമൽ ഉദ്യോ​ഗാർത്ഥികളെ സമീപിച്ചത് നേവി ഉദ്യോ​ഗസ്ഥനെന്ന് പറഞ്ഞ്, ജോലി വാ​ഗ്ദാനം ചെയ്ത് ലക്ഷങ്ങളുടെ തട്ടിപ്പ്, കൊച്ചിയിൽ അറസ്റ്റിൽ

ഇയാളുടെ നീക്കങ്ങളെക്കുറിച്ച് നേവി ഇന്റലിജൻസ് വിഭാ​ഗത്തിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ നിരീക്ഷണത്തിലാണ് ഇയാൾ അറസ്റ്റിലായത്. ഇന്നലയാണ് അറസ്റ്റ് ചെയ്തത്. 

തിരുവനന്തപുരം: ഇന്ത്യൻ നേവിയിലെ ഉദ്യോ​ഗസ്ഥനെന്ന് പറഞ്ഞ് വൻ ജോലി തട്ടിപ്പ് നടത്തിയ യുവാവ് കൊച്ചിയിൽ പിടിയിൽ. പാലാരിവട്ടം സ്വദേശി വിമൽ എസ് നമ്പൂതിരിയാണ് അറസ്റ്റിലായത്. ഇൻഡ്യൻ നേവിയിലെ ഇന്റലിജൻസ് വിഭാ​ഗവും കേരള പൊലീസും നടത്തിയ സംയുക്ത നീക്കത്തിലാണ് ഇയാൾ പിടിയിലായത്. 

നേവിയിലെ സർവീസിലുള്ള കമാൻന്റർ റാങ്കിലുള്ള ഉദ്യോ​ഗസ്ഥനെന്ന് പരിചയപ്പെടുത്തിയാണ് ഇയാൾ ഉദ്യോ​ഗാർത്ഥികളെ സമീപിച്ചിരുന്നത്. ലക്ഷക്കണക്കിന് രൂപയുടെ ജോലി തട്ടിപ്പ് നടത്തിയതിനാണ് ഇയാളെ കൊച്ചി പൊലീസ് ഇപ്പോൾ അറസ്റ്റ് ചെയ്തിരിക്കുന്നത്. ജോലി വാ​ഗ്ദാനം നൽകി വൻതോതിൽ പണം തട്ടിയെടുത്തതായാണ് വിവരം. ഇയാളുടെ നീക്കങ്ങളെക്കുറിച്ച് നേവി ഇന്റലിജൻസ് വിഭാ​ഗത്തിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ നിരീക്ഷണത്തിലാണ് ഇയാൾ അറസ്റ്റിലായത്. ഇന്നലയാണ് അറസ്റ്റ് ചെയ്തത്.