പാലക്കാട് നഗരസഭയിൽ ബിജെപി സർപ്രൈസ്; പ്രമീള ശശിധരൻ ചെയർപേഴ്സൺ   

യുഡിഎഫ് സ്ഥാനാർഥി മിനി ബാബുവിന് 17 വോട്ടും സി.പി.എം സ്ഥാനാർഥി ഉഷാ രാമചന്ദ്രന് 7 വോട്ടും ലഭിച്ചു. 

പാലക്കാട് : ബി.ജെ.പി ഭരിക്കുന്ന പാലക്കാട് നഗരസഭയുടെ പുതിയ ചെയർപേഴ്സണായി പ്രമീള ശശിധരനെ തെരഞ്ഞെടുത്തു. 52 അംഗ ഭരണസമിതിയിൽ 28 വോട്ടുകൾ നേടിയാണ് മുൻ ചെയർപേഴ്സൺ കൂടിയായ പ്രമീള വിജയിച്ചത്. യു.ഡി.എഫ് സ്ഥാനാർഥി മിനി ബാബുവിന് 17 വോട്ടും സി.പി.എം സ്ഥാനാർഥി ഉഷാ രാമചന്ദ്രന് 7 വോട്ടും ലഭിച്ചു. പാർട്ടിയിലെ ഭിന്നതയെത്തുടർന്ന് കഴിഞ്ഞ മാസം പ്രിയ അജയൻ രാജി വച്ചതിനെത്തുടർന്നാണ് തെരത്തെടുപ്പ് നടന്നത്. 2015 മുതൽ 2020 വരെയും പ്രമീള ശശിധരൻ ബിജെപി ഭരണസമിതിയിൽ ചെയർപേഴ്സണായിരുന്നു.