80 ഓളം ബസുകൾ ഓടുന്ന പ്രധാന പാത പൊളിഞ്ഞിട്ട് കാലങ്ങളായി, ഒറ്റപ്പാലത്ത് നാളെ സ്വകാര്യ ബസ് പണിമുടക്ക് പ്രഖ്യാപിച്ചു; 27 മുതൽ അനിശ്ചിതകാല സമരം

ഒറ്റപ്പാലം - ചെറുപ്പുളശ്ശേരി റോഡിന്റെ ശോചനീയാവസ്ഥയിൽ പ്രതിഷേധിച്ച് സ്വകാര്യ ബസുകൾ നാളെ പണിമുടക്കും. റോഡ് നന്നാക്കിയില്ലെങ്കിൽ ഈ മാസം 27 മുതൽ അനിശ്ചിതകാല സമരം ആരംഭിക്കുമെന്ന് ബസുടമകൾ അറിയിച്ചു. എൺപതോളം ബസുകളാണ് ഈ റൂട്ടിൽ സർവീസ് നടത്തുന്നത്

പാലക്കാട്: ഒറ്റപ്പാലം - ചെറുപ്പുളശ്ശേരി റോഡിന്റെ ശോചനീയാവസ്ഥയ്ക്ക് പരിഹാരം കാണാത്തതിൽ പ്രതിഷേധിച്ച് സ്വകാര്യ ബസുകൾ നാളെ പണിമുടക്ക് പ്രഖ്യാപിച്ചു. ഈ റൂട്ടിലോടുന്ന ബസുകളാണ് സമരം പ്രഖ്യാപിച്ചത്. നവീകരണ പ്രവൃത്തികൾ പാതിവഴിയിൽ നിലച്ച പാതയിലൂടെ എൺപതോളം ബസുകളാണ് നിലവിൽ സർവീസ് നടത്തുന്നത്. നാളത്തെ സമരത്തിന് ശേഷവും റോഡ് നന്നാക്കാൻ അധികൃതരുടെ ഭാഗത്തുനിന്ന് അനുകൂല നടപടികൾ ഉണ്ടായില്ലെങ്കിൽ ഈ മാസം 27 മുതൽ അനിശ്ചിതകാല സമരം ആരംഭിക്കാനാണ് ബസുടമകളുടെ തീരുമാനം.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം