എറണാകുളത്ത് 4000 കിലോഗ്രാം പഴകിയ മത്സ്യം പിടികൂടി

ബോട്ടിലെത്തിച്ച മീൻ ലോറിയിലേക്ക് കയറ്റുമ്പോഴാണ് പിടികൂടിയത്. മൂവാറ്റുപുഴ ഭാഗത്തേക്ക് കൊണ്ടുപോകാനായിരുന്നു മീൻ കൊണ്ടു വന്നത്.

കൊച്ചി: എറണാകുളം വൈപ്പിനിൽ 4000 കിലോ പഴകിയ മീൻ  ഭക്ഷ്യസുരക്ഷാ വകുപ്പ് പിടികൂടി. ബോട്ടിലെത്തിച്ച മീൻ ലോറിയിലേക്ക് കയറ്റുമ്പോഴാണ് പിടികൂടിയത്. മൂവാറ്റുപുഴ ഭാഗത്തേക്ക് കൊണ്ടുപോകാനായിരുന്നു മീൻ കൊണ്ടു വന്നത്. ഇന്നലെയും സംസ്ഥാനത്തിന് വിവിധഭാഗത്ത് നിന്നും പഴകിയ മത്സ്യം പിടികൂടിയിരുന്നു. കോട്ടയത്ത് നിന്നും ഇന്നലെ 600 കിലോ പഴകിയ മീൻ പിടിച്ചു. നഗരത്തിൽ പൊലീസ് നടത്തിയ വാഹന പരിശോധനക്കിടെയാണ് 600 കിലോ പഴകിയ മീൻ പിടിച്ചത്. തൂത്തുക്കുടിയിൽ നിന്നെത്തിയ ലോറിയിലാണ് ഭക്ഷ്യയോഗ്യമല്ലാത്ത മീൻ കണ്ടെത്തിയത്.