ഇനി സ്വന്തംകൂരയിൽ വേണ്ടുവോളം ഒച്ചവെക്കാം, ആരും പരാതിപ്പെടില്ല; ഓട്ടിസം ബാധിച്ച മകളുള്ള കുടുംബത്തിന് കൈത്താങ്ങ്

ഒരു പ്രവാസി സ്പോൺസറുടെ സഹായത്തോടെ ഇവർക്ക് ഉടൻ വീടു വെച്ചു നൽകുമെന്ന് എംഎൽഎ അറിയിച്ചു. കഴിഞ്ഞ ദിവസം ഈ കുടുംബത്തിൻ്റെ ദുരവസ്ഥ ഏഷ്യാനെറ്റ് ന്യൂസ് റിപ്പോർട്ട് ചെയ്തിരുന്നു. തുടർന്നാണ് എംഎൽഎയുടെ ഇടപെടൽ ഉണ്ടായത്.  

പാലക്കാട്: ഓട്ടിസം ബാധിച്ച മകളുമായി വാടക വീടുകൾ മാറി മാറി താമസിക്കേണ്ടി വരുന്ന കുടുംബത്തിന് കൈത്താങ്ങായി ഷാഫി പറമ്പിൽ എംഎൽഎ. ഒരു പ്രവാസി സ്പോൺസറുടെ സഹായത്തോടെ ഇവർക്ക് ഉടൻ വീടു വെച്ചു നൽകുമെന്ന് എംഎൽഎ അറിയിച്ചു. കഴിഞ്ഞ ദിവസം ഈ കുടുംബത്തിൻ്റെ ദുരവസ്ഥ ഏഷ്യാനെറ്റ് ന്യൂസ് റിപ്പോർട്ട് ചെയ്തിരുന്നു. തുടർന്നാണ് എംഎൽഎയുടെ ഇടപെടൽ ഉണ്ടായത്.

കുവൈറ്റിലെ പ്രവാസി സഹോദരനാണ് ഇവർക്ക് സഹായവുമായി മുന്നോട്ട് വന്നിരിക്കുന്നത്. നേരത്തെ ഈ വിഷയം ശ്രദ്ധയിൽ പെട്ടിരുന്നു. അന്ന് ഈ വിഷയം ചിലയാളുകൾക്ക് അയച്ചുനൽകിയിരുന്നു. എന്നാൽ ഇവർക്ക് സ്വന്തമായി സ്ഥലമുണ്ടായിരുന്നില്ല. പിന്നീട് സ്ഥലം ഒരാൾ നൽകാമെന്ന് പറയുകയായിരുന്നു. അത് ചെയ്തിട്ടുണ്ട്. മറ്റൊരു തടസ്സം കൂടിയുണ്ടായിരുന്നു. അതിനിടയ്ക്ക് ഏഷ്യാനെറ്റിന്റെ വാർത്ത പുറത്ത് വന്നതോടെ വിഷയത്തിന്റെ ​ഗൗരവം പുറത്തുവന്നു. പ്രവാസി സഹോദരൻ വീട് വെച്ച് നൽകാൻ എപ്പോഴും തയ്യാറാണ്. ആദ്യഘട്ട നിർമ്മാണത്തിനുള്ള തുക നൽകാൻ തയ്യാറാണെന്ന് അറിയിച്ചിട്ടുണ്ട്.-ഷാഫി പറമ്പിൽ എംഎൽഎ പറഞ്ഞു. 

https://www.youtube.com/watch?v=iImY0aX9Shc

https://www.youtube.com/watch?v=Ko18SgceYX8