അടിപിടി കേസിലെ തമിഴ് സ്വദേശിക്ക് കൊവിഡ്: എസ് ഐ ഉൾപ്പെടെ നിരവധി പേർ ക്വാറന്റീനിൽ

കൊവിഡ് സ്ഥിരീകരിച്ച തമിഴ്‌നാട്ടുകാരൻ ഒരു അടിപിടി കേസുമായി പൊലീസ് സ്റ്റേഷനിൽ എത്തിയിരുന്നു

കൽപകഞ്ചേരി: കടുങ്ങാത്തുകുണ്ട് പരിസരങ്ങളിൽ ജോലി ചെയ്തിരുന്ന തമിഴ്‌നാട് സ്വദേശിക്ക് കൊവിഡ് സ്ഥിരീകരിച്ചതിനെ തുടർന്ന് കൽപകഞ്ചേരി എസ് ഐ. എസ് കെ പ്രിയൻ ഉൾപ്പെടെ ആറു പൊലീസുകാർ ക്വാറന്റീനിൽ. കൊവിഡ് സ്ഥിരീകരിച്ച തമിഴ്‌നാട്ടുകാരൻ ഒരു അടിപിടി കേസുമായി പൊലീസ് സ്റ്റേഷനിൽ എത്തിയിരുന്നു. 

അതിന് ശേഷം ഇയാൾ നാട്ടിലേക്ക് പോകുകയും അവിടെ പരിശോധനക്ക് വിധേയമാക്കുകയും ചെയ്തപ്പോഴാണ് കൊവിഡ് സ്ഥിരീകരിച്ചത്. തുടർന്ന് ഇയാളുമായി സമ്പർക്കം പുലർത്തിയ എസ് ഐ ഉൾപ്പെടെയുള്ളവർ ക്വാറന്റൈനിൽ പ്രവേശിക്കുകയായിരുന്നു.