തിരുവനന്തപുരത്ത് തെരുവുനായ ആക്രമണം; 14 പേർക്ക് കടിയേറ്റു

കരുംകുളം, പൂവാർ പഞ്ചായത്തുകളിലുള്ള സ്ത്രീകൾക്കും കുട്ടികൾക്കുമാണ് കടിയേറ്റത്.

തിരുവനന്തപുരം: തിരുവനന്തപുരത്ത് തെരുവുനായയുടെ  ആക്രമണത്തിൽ 14 പേർക്ക് കടിയേറ്റു. കരുംകുളം, പൂവാർ പഞ്ചായത്തുകളിലുള്ളവർക്കാണ് കടിയേറ്റത്. പരിക്കുപറ്റിയവരെല്ലാം സ്ത്രീകളും കുട്ടികളുമാണ്. ചൊവ്വാഴ്ച വൈകിട്ടായിരുന്നു സംഭവം, പരിക്കേറ്റവരെ ജനറൽ ആശുപത്രിയിൽ പ്രവേശിപ്പിച്ചു. ആരുടേയും നില ഗുരുതരമല്ല. ആക്രമിച്ച നായയെ നാട്ടുകാർ തല്ലിക്കൊന്നു.