ചെരുപ്പ് കടയില്‍ നിന്നും ഷോക്കേറ്റ് വിദ്യാര്‍ത്ഥി മരിച്ചു

കോഴിക്കോട് മെഡിക്കൽ കോളേജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല  

കോഴിക്കോട്: കൊടുവള്ളിയില്‍ ചെരുപ്പ് കടയിൽ നിന്നും ഷോക്കേറ്റ് വിദ്യാർത്ഥി മരിച്ചു. ഓമശ്ശേരി കോമാവുള്ളകണ്ടി അബൂബക്കറിന്‍റെ മകൻ സ്വാലിഹ്(17) ആണ് മരിച്ചത്. ഇന്ന് വൈകിട്ട് നാലരയോടെയായിരുന്നു സംഭവം. കൊടുവള്ളിയിലെ ബന്ധുവിന്‍റെ കടയിൽ സഹായത്തിനെത്തിയതായിരുന്നു സ്വാലിഹ്. കടയിലെ പ്ലഗിൽ നിന്നും വയർ എടുക്കവേ ഷോക്കേൽക്കുകയായിരുന്നു. ഉടൻ തന്നെ കോഴിക്കോട് മെഡിക്കൽ കോളേജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.