മലപ്പുറത്ത് പാമ്പ് കടിയേറ്റ് അധ്യാപിക മരിച്ചു

ഇന്നലെ വൈകുന്നേരമാണ് മാലിന്യം കളയാന്‍ പുറത്തിറങ്ങിയതിനിടെ അജിതയ്ക്ക് പാമ്പിന്റെ കടിയേറ്റത്. തുടർന്ന് പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു.

പുലാമന്തോൾ: മാലിന്യം കളയാന്‍ വീടിന് പുറത്തിറങ്ങിയതിനിടെ പാമ്പിന്‍റെ കടിയേറ്റ് ചികിത്സയിലായിരുന്ന അധ്യാപിക മരിച്ചു. എടപ്പലം പിടിഎംവൈ ഹൈസ്‌കൂളിലെ ബയോളജി അധ്യാപികയായ അജിത (47) ആണ് മരിച്ചത്. ഇന്നലെ വൈകുന്നേരമാണ് മാലിന്യം കളയാന്‍ പുറത്തിറങ്ങിയതിനിടെ അജിതയ്ക്ക് പാമ്പിന്റെ കടിയേറ്റത്.

തുടർന്ന് പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. ഗുരുതരാവസ്ഥയിലായ അധ്യാപിക ഇന്ന് രാവിലെയാണ് മരിച്ചത്. എടപ്പലം പിടിഎംവൈ ഹൈസ്‌കൂളിലെ അധ്യാപകൻ മുഹമ്മദ് അഷ്‌റഫാണ് ഭർത്താവ്. മക്കൾ: അൻഷദ്, അംജദ്.

(വാര്‍ത്തയ്ക്ക് നല്‍കിയിരിക്കുന്നത് പ്രതീകാത്മക ചിത്രം)