വയനാട്ടിൽ വീട് നഷ്ടപ്പെട്ടവര്ക്ക് വീടിനായി പത്ത് സെന്റ്, റിട്ട. അധ്യാപികയും ഭര്ത്താവും സാക്ഷ്യപത്രം നൽകി
Synopsis
റിട്ടയേര്ഡ് സ്കൂള് അധ്യാപികയായ ഷാജിമോളും ഭര്ത്താവ് ആന്റണിയുമാണ് സ്ഥലം നല്കാനുള്ള സാക്ഷ്യപത്രം റവന്യു വകുപ്പ് മന്ത്രി കെ. രാജന് കൈമാറിയത്.
തൃശൂര്: വയനാട്ടിലെ ഉരുള്പൊട്ടലില് വീട് നഷ്ടപ്പെട്ടവര്ക്ക് വീടു വെക്കാനായി 10 സെന്റ് സ്ഥലം നല്കാന് സന്നദ്ധരായി ദമ്പതികള്. റിട്ടയേര്ഡ് സ്കൂള് അധ്യാപികയായ ഷാജിമോളും ഭര്ത്താവ് ആന്റണിയുമാണ് സ്ഥലം നല്കാനുള്ള സാക്ഷ്യപത്രം റവന്യു വകുപ്പ് മന്ത്രി കെ. രാജന് കൈമാറിയത്.
മാടക്കത്തറ വില്ലേജില് വാരിക്കുളം എന്ന സ്ഥലത്ത് ഷാജിമോളുടെ പേരിലുള്ള 10 സെന്റ് കരഭൂമിയാണ് വയനാട്ടിലെ ഉരുള്പൊട്ടലില് വീടും സ്ഥലവും നഷ്ടപ്പെട്ട കുടുംബങ്ങള്ക്ക് വീടുവെക്കാനായി നല്കുന്നത്. വേലൂര് ചിറ്റിലപ്പിള്ളി വീട്ടിലാണ് കൃഷിക്കാരനായ ആന്റണിയും ഷാജിമോളും താമസിക്കുന്നത്. എംബിബിഎസിന് പഠിക്കുന്ന ഡോവിഡ്, എം.എസ്.സി അഗ്രിക്കള്ച്ചറിനു പഠിക്കുന്ന ജോണ് എന്നിവര് മക്കളാണ്.
ഏഷ്യാനെറ്റ് ന്യൂസ് വാർത്തകൾ തത്സമയം കാണാം
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam