6 വയസ്സുകാരനെ മദ്യം കുടിപ്പിച്ചതിന് ശേഷം വീഡിയോ ഫേസ്ബുക്കിൽ പങ്കുവച്ചു; പിതൃസഹോദരൻ അറസ്റ്റിൽ

കുട്ടിയെ മദ്യം കുടിപ്പിക്കുന്ന ദൃശ്യങ്ങൾ സാമൂഹ്യമാധ്യമങ്ങളിലൂടെ പ്രചരിക്കുകയായിരുന്നു. ഈ ദൃശ്യങ്ങൾ കണ്ട അയൽക്കാരനാണ് പരാതിയുമായി പൊലീസിന് മുന്നിലെത്തിയത്.

ചെന്നൈ: തമിഴ്നാട്ടിൽ ആറു വയസ്സുകാരനെ മദ്യം കുടിപ്പിച്ചതിന് ശേഷം ഫേസ്ബുക്കിൽ വീഡിയോ പങ്കുവച്ച സംഭവത്തിൽ കുട്ടിയുടെ പിതൃസഹോദരൻ അറസ്റ്റിൽ. തിരുച്ചിറപ്പള്ളി സ്വദേശി അജിത് കുമാർ ആണ്‌ അറസ്റ്റിലായത്. പൊങ്കൽ ആഘോഷത്തിനിടെയാണ്‌ സംഭവം. കുട്ടിയെ മദ്യം കുടിപ്പിക്കുന്ന ദൃശ്യങ്ങൾ സാമൂഹ്യമാധ്യമങ്ങളിലൂടെ പ്രചരിക്കുകയായിരുന്നു. ഈ ദൃശ്യങ്ങൾ കണ്ട അയൽക്കാരനാണ് പരാതിയുമായി പൊലീസിന് മുന്നിലെത്തിയത്. ബാല നീതി നിയമം, ഐടി ആക്ട് എന്നിവയിലെ വകുപ്പുകൾ ചുമത്തിയാണ് അറസ്റ്റ് ചെയ്തത്. 

https://www.youtube.com/watch?v=Ko18SgceYX8