ബൈക്കില്‍ ഓട്ടോയെ മറികടക്കാന്‍ ശ്രമിക്കവേ ബസിനടിയില്‍പ്പെട്ട് യുവാവ് മരിച്ചു; ഒരാള്‍ക്ക് പരിക്ക്

വിഴിഞ്ഞം കോളിയൂരിൽ ഓട്ടോ റിക്ഷയെ മറികടക്കാൻ ശ്രമിക്കവേ എതിരേവന്ന ബസിനടിയിൽപ്പെട്ടു ബൈക്ക് യാത്രികനായ  യുവാവിന് ദാരുണാന്ത്യം. കോളിയൂർ സ്വദേശി വിനീത് (27) ആണ് മരിച്ചത്. ഒപ്പമുണ്ടായിരുന്ന സുഹൃത്ത് അഭിറാം(17)നെ പരിക്കുകളോടെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

തിരുവനന്തപുരം: വിഴിഞ്ഞം കോളിയൂരിൽ ഓട്ടോ റിക്ഷയെ മറികടക്കാൻ ശ്രമിക്കവേ എതിരേവന്ന ബസിനടിയിൽപ്പെട്ടു ബൈക്ക് യാത്രികനായ  യുവാവിന് ദാരുണാന്ത്യം. കോളിയൂർ സ്വദേശി വിനീത് (27) ആണ് മരിച്ചത്. ഒപ്പമുണ്ടായിരുന്ന സുഹൃത്ത് അഭിറാം(17)നെ പരിക്കുകളോടെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

രാത്രി ഏഴരയോടെ കോളിയൂർ ചാനലിന് സമീപമാണ് സംഭവം. മുന്നിൽ പോയ ഓട്ടോ റിക്ഷയെ മറികടക്കാൻ ശ്രമിക്കവേ വിനീത് സഞ്ചരിച്ച ബൈക്ക് ഓട്ടോറിക്ഷയിൽ ഇടിച്ചു മറിയുകയായിരുന്നു. റോഡിലേക്ക് തെറിച്ചു വീണ വിനീതിന്റെ നെഞ്ചിലൂടെ ബസ് കയറിയിറങ്ങി. വിനീത് സംഭവസ്ഥലത്തു തന്നെ മരിച്ചു. നിസാര പരിക്കേറ്റ അഭിറാം മെഡിക്കൽ കോളേജ് ആശുപത്രിയിൽ ചികിത്സയിലാണ്. വിനീതിന്റെ മൃതദേഹം മോർച്ചറിയിലേക്ക് മാറ്റി.