ആദ്യം മണി മോഷ്ടിച്ചു, പിന്നാലെ കാണിക്കവഞ്ചി പൊളിച്ചു, മലയിൻകീഴ് പ്രദേശത്ത് ആരാധനാലയങ്ങളിൽ മോഷണം പതിവാകുന്നു

തിരുവനന്തപുരം മലയിൻകീഴ് കാണവിള ഗുരുമന്ദിരത്തിലെ കാണിക്കപ്പെട്ടി പൊളിച്ച് പണം കവർന്നതായി ശാഖാ ഭാരവാഹികൾ പോലീസിൽ പരാതി നൽകി. പുലർച്ചെ നടന്ന സംഭവത്തിൽ പോലീസ് അന്വേഷണം ആരംഭിച്ചു. പ്രദേശത്തെ മറ്റ് ആരാധനാലയങ്ങളിലും മുൻപ് സമാനമായ മോഷണങ്ങൾ നടന്നിട്ടുണ്ട്.

തിരുവനന്തപുരം: മലയിൻകീഴ് കാണവിള ഗുരുമന്ദിരത്തിലെ കാണിക്കപ്പെട്ടി പൊളിച്ച് പണം കവർന്നതായി ശാഖാ ഭാരവാഹികൾ മലയിൻകീഴ് പൊലീസിൽ പരാതി നൽകി.ഇന്നലെ പുലർച്ചെ 2 മണിയോടെയാണ് സംഭവം. സമീപത്തെ സി സി സി ടി വി കാമറ ഉൾപ്പെടെ പൊലീസ് പരിശോധന നടത്തി.

നേരത്തെ കീഴ്മഠം ഭഗവതി ക്ഷേത്രത്തിലെയും കുരുവിൻമുകൾ ഹോളി ഫാമിലി ചർച്ച് കുരിശടിയിലേയും കാണിക്ക വഞ്ചികളും കുത്തി പ്പൊളിച്ച് പണം കവർന്നതായും പരാതിയുണ്ട്.ഇക്കഴിഞ്ഞ മെയ് 25ന് കാണവിള ഗുരുമന്ദിരത്തിലെ 33 വർഷത്തിലേറെ പഴക്കമുള്ള മണി മോഷണം പോയിരുന്നു. പൊലീസ് മോഷ്ടാക്കളെ കണ്ടെത്തി നിയമനടപടി സ്വീകരിക്കണമെന്ന് ഗുരുമന്ദിര ഭാരവാഹികൾ ആവശ്യപ്പെടുന്നു.