അവധി ആഘോഷിക്കാൻ പൊന്മുടി പോകുന്നവരുടെ ശ്രദ്ധക്ക്, തിരുവനന്തപുരം-ചെങ്കോട്ട റോഡിൽ നാളെ മുതൽ ഗതാഗത നിയന്ത്രണം

നെടുമങ്ങാട് നിന്നും 8-ാം കല്ലിലൂടെ വരുന്ന വാഹനങ്ങൾ കാച്ചാണി -മുക്കോല -വഴയില റോഡിലൂടെ പേരൂർക്കട ഭാഗത്തേക്കും തിരിച്ചും പോകേണ്ടതാണ്. മോട്ടുമ്മൂല പണി നടക്കുന്ന ഭാഗത്ത് 3 മീറ്റർ വീതിയിൽ വഴി അനുവദിച്ചു ചെറിയ വാഹനങ്ങൾ കടത്തിവിടും.

തിരുവനന്തപുരം: വഴിയില-പഴകുറ്റി നാലുവരിപ്പാതനിർമ്മാണവുമായി ബന്ധപ്പെട്ട് നാളെ മുതൽ തിരുവനന്തപുരം-ചെങ്കോട്ട റോഡിൽ ഗതാഗത നിയന്ത്രണം നടപ്പിലാക്കും. നെടുമങ്ങാട്-വേങ്കോട്-മുക്കോല വഴി വരുന്ന കെഎസ്ആർടിസി ഉൾപ്പെടെയുള്ള വലിയ വാഹനങ്ങൾഏണിക്കര-നെട്ടയം-കല്ലയം-പള്ളിമുക്ക്-വഴിയില വഴി പേരൂർക്കട ഭാഗത്തേയ്ക്കും തിരിച്ചും പോകേണ്ടതാണ്. നെടുമങ്ങാട് നിന്നും 8-ാം കല്ലിലൂടെ വരുന്ന വാഹനങ്ങൾ കാച്ചാണി -മുക്കോല -വഴയില റോഡിലൂടെ പേരൂർക്കട ഭാഗത്തേക്കും തിരിച്ചും പോകേണ്ടതാണ്.

മോട്ടുമ്മൂല പണി നടക്കുന്ന ഭാഗത്ത് 3 മീറ്റർ വീതിയിൽ വഴി അനുവദിച്ചു ചെറിയ വാഹനങ്ങൾ കടത്തിവിടും. വഴിയില-ആറാംകല്ല് ഭാഗം വരെ വലിയ വാഹനങ്ങൾക്ക് സഞ്ചരിക്കാം. കരകുളം പഞ്ചായത്ത് ഓഫീസിൽ മന്ത്രി ജി. ആർ. അനിലിന്‍റെ സാന്നിധ്യത്തിൽ ചേർന്ന ഉദ്യോഗസ്ഥരുടെയും പൊതുപ്രവർത്തകരുടെയും യോഗമാണ് ഗതാഗത നിയന്ത്രണം ഏർപ്പെടുത്താൻ തീരുമാനിച്ചത്. കൂടുതൽ നിയന്ത്രണങ്ങൾ മൂന്നാഴ്ചയ്ക്ക് ശേഷം തീരുമാനിക്കും.