ലഹരി വിൽപന എക്സൈസിനെ അറിയിച്ചു, 22കാരനെ വെടിവച്ച് കൊല്ലാൻ ശ്രമിച്ച 28കാരൻ പിടിയിൽ

വീട്ടിൽ ലഹരി കച്ചവടം നടക്കുന്ന വിവരം എക്സൈസ് ഉദ്യോഗസ്ഥരെ അറിയിച്ചതിന്റെ വൈരാഗ്യത്തിലായിരുന്നു കൊലപാതക ശ്രമം

നെടുമങ്ങാട്: എയർഗൺ ഉപയോഗിച്ച് 22കാരനെ കൊലപ്പെടുത്താൻ ശ്രമം, 28കാരൻ പിടിയിൽ. തിരുവനന്തപുരം നെടുമങ്ങാട് സംഭവം. ചുള്ളിമാനൂർ സ്വദേശി അൻസർ (28)നെയാണ് നടുമങ്ങാട് പൊലീസ് പിടികൂടിയത്. ഇയാളുടെ വീട്ടിൽ ലഹരി കച്ചവടം നടക്കുന്ന വിവരം എക്സൈസ് ഉദ്യോഗസ്ഥരെ അറിയിച്ചതിന്റെ വൈരാഗ്യത്തിലായിരുന്നു കൊലപാതക ശ്രമം. ആനാട് സ്വദേശിയായ സഞ്ജയ്‌ എന്ന 22കാനെയാണ് അൻസർ കൊലപ്പെടുത്താൻ ശ്രമിച്ചത്. കഴിഞ്ഞ ഫെബ്രുവരി മൂന്നിനായിരുന്നു സംഭവം .