രണ്ട് വയസുകാരിക്ക് സൂര്യാഘാതമേറ്റതായി സംശയം; പൊള്ളലേറ്റത് വീട്ടുമുറ്റത്ത് കളിക്കുന്നതിനിടെ

രാവിലെ പത്ത് മണിയോടെയായിരുന്നു സംഭവം. ശരീരത്തിൽ അസ്വാഭാവികമായി നീര് കാണപ്പെട്ട കുട്ടി തളർന്ന് വീഴുകയായിരുന്നു.

ആലപ്പുഴ: വീട്ടുമുറ്റത്ത് കളിച്ചുകൊണ്ടിരുന്ന രണ്ട് വയസുകാരിക്ക് സൂര്യാഘാതമേറ്റതായി സംശയം. കുട്ടിയ്ക്ക് സൂര്യാഘാതത്തിന് സമാനമായ പൊള്ളലേറ്റു. കായംകുളം പത്തിയൂർ തുരുത്തിത്തറയിൽ സുനിൽകുമാർ - രാജേശ്വരി ദമ്പദികളിലൂടെ മകൾ അക്ഷരയ്ക്കാണ് പൊള്ളലേറ്റത്. രാവിലെ പത്ത് മണിയോടെയായിരുന്നു സംഭവം. ശരീരത്തിൽ അസ്വാഭാവികമായി നീര് കാണപ്പെട്ട കുട്ടി തളർന്ന് വീഴുകയായിരുന്നു. പത്തിയൂർ പ്രാഥമികാരോഗ്യ  കേന്ദ്രത്തിൽ പ്രാഥമിക ചികിത്സ നൽകിയ ശേഷം കുട്ടിയെ കായംകുളം താലൂക്ക് ആശുപത്രിയിൽ പ്രവേശിപ്പിച്ചു.