പൊലീസിനെ കണ്ടപ്പോൾ പരുങ്ങിയ ഇവരെ സംശയം തോന്നി പരിശോധിച്ചപ്പോഴാണ് കഞ്ചാവ് കണ്ടെത്തിയത്.
കോഴിക്കോട്: കൊയിലാണ്ടിയില്‍ കഞ്ചാവുമായി(Marijuana) രണ്ടു യുവാക്കളെ പൊലീസ് (Police) പിടികൂടി. കൊയിലാണ്ടി ഗോപിനിവാസ് സുനിൽ (30), കൊയിലാണ്ടി മാവുള്ളി പുറത്തൂട്ട് ഷമീർ (30) എന്നിവരെയാണ് പൊലീസ് അറസ്റ്റ് ചെയ്തത്. കൊയിലാണ്ടി എസ്.ഐ എം.എൻ. അനൂപും സംഘവും പട്രോളിംങ്ങ് നടത്തവെയാണ് 110 ഗ്രാം കഞ്ചാവുമായി രണ്ടു യുവാക്കള്‍ പിടിയിലാകുന്നത്.
പൊലീസിനെ കണ്ടപ്പോൾ പരുങ്ങിയ ഇവരെ സംശയം തോന്നി പരിശോധിച്ചപ്പോഴാണ് കഞ്ചാവ് കണ്ടെത്തിയത്. പൊലീസ് സംഘത്തിൽ സോജൻ, ബിനീഷ് തുടങ്ങിയവരാണുണ്ടായിരുന്നത്. കോടതിയിൽ ഹാജരാക്കിയ യുവാക്കളെ റിമാൻറ് ചെയ്തു.