തെക്കുംമുറിയിലെ സ്ഥിരം കടയിൽ ചായ കുടിച്ച് മടക്കം, ആദ്യകാല ചെണ്ടവാദ്യ കലാകാരൻ കുഴഞ്ഞുവീണ് മരിച്ചു

പാലക്കാട് ചെത്തല്ലൂരിൽ ചായക്കടയിൽ എത്തിയ ചെണ്ട വിദ്വാൻ കോന്തത്ത് നാരായണൻ (64) കുഴഞ്ഞുവീണ് മരിച്ചു. രാവിലെ ചായ കുടിച്ച ശേഷം പുറത്തിറങ്ങുമ്പോഴാണ് ദേഹാസ്വാസ്ഥ്യം അനുഭവപ്പെട്ടത്. ആദ്യകാലത്തെ പ്രമുഖ ചെണ്ട വാദ്യ കലാകാരനായിരുന്നു ഇദ്ദേഹം.

പാലക്കാട്: ചായക്കടയിൽ ചായ കുടിക്കാൻ എത്തിയ ചെണ്ട വിദ്വാൻ കുഴഞ്ഞുവീണ് മരിച്ചു. ചെത്തല്ലൂർ തെക്കുമുറി ആലിപ്പറമ്പ് കോന്തത്ത് നാരായണൻ (64 ) ആണ് മരിച്ചത്. ആദ്യകാലത്തെ ചെണ്ട വാദ്യ കലാകാരൻ ആയിരുന്നു ഇദ്ദേഹം. ഇന്ന് രാവിലെ 9 മണിക്കാണ് സംഭവം. രാവിലെ സ്ഥിരമായി എത്താറുള്ള ചെത്തല്ലൂർ തെക്കുംമുറിയിലുള്ള ചായക്കടയിൽ ചായ കുടിക്കാൻ പതിവു പോലെ രാവിലെ എത്തിയതായിരുന്നു. ചായ കുടിച്ചശേഷം പുറത്തേക്ക് ഇറങ്ങിയപ്പോഴാണ് ദേഹാസ്വാസ്ഥ്യം ഉണ്ടായത്. തുടർന്ന് കുഴഞ്ഞുവീഴുകയായിരുന്നു. ഭാര്യ സുഭദ്ര. മൂന്ന് മക്കളുണ്ട്.