സ്വപ്നം കണ്ടെതെല്ലാം...! വെല്ക്കം ടു 'SH 83', 63 കിലോ മീറ്റർ, പുതിയ സംസ്ഥാന പാതയുടെ പേര് ഇങ്ങനെ
Synopsis
അതേ സമയം കോഴിക്കോട് ബൈപ്പാസ് (പുറക്കാട്ടേരി), മാനന്തവാടി- കുട്ട വഴിയുള്ള 109 കി.മീ ദൂരമുള്ള 45 മീറ്റര് ഗ്രീന് ഫീല്ഡ് ഹൈവേയുടെ വിശദവിവര റിപ്പോര്ട്ട് ജനുവരിയില് പൂര്ത്തിയാവും
കോഴിക്കോട്: കോഴിക്കോട് - വയനാട് ജില്ലകളെ ബന്ധിപ്പിക്കുന്ന പുതിയ സംസ്ഥാന പാതയുടെ നിര്മാണത്തിന് സര്ക്കാര് വിജ്ഞാപനം പുറപ്പെടുവിച്ചു. എസ് എച്ച് 83 എന്ന പേരില് 63 കി മീ ദൂരമുമുള്ളതാണ് പുതിയ പാത. കുന്നമംഗലത്ത് നിന്ന് തുടങ്ങി എന് ഐ ടി അഗസ്ത്യാമുഴി (മുക്കം), തിരുവമ്പാടി -ആനക്കാം പൊയില് - 4 ലൈന് ടണല് റോഡ് (മറിപ്പുഴ - കള്ളാടി) വഴി മേപ്പാടി - കല്പറ്റ ബൈപ്പാസിലേക്ക് ചേരുന്ന തരത്തിലാണ്. തുരങ്ക പാത കണക്ടിങ് റോഡ് ആയാണ് ഈ പുതിയ പാത അറിയപ്പെടുക. നാല് വരിയായി എട്ട് കി മീ ദൂരമുള്ള ടണല് റോഡ് പൂര്ത്തിയാവുന്നതോടെ ഇതും 24 മീറ്ററില് നാല് വരിയാക്കും.
അതേ സമയം കോഴിക്കോട് ബൈപ്പാസ് (പുറക്കാട്ടേരി), മാനന്തവാടി- കുട്ട വഴിയുള്ള 109 കി.മീ ദൂരമുള്ള 45 മീറ്റര് ഗ്രീന് ഫീല്ഡ് ഹൈവേയുടെ വിശദവിവര റിപ്പോര്ട്ട് ജനുവരിയില് പൂര്ത്തിയാവും. 2025 അവസാനത്തോടെ നിര്മ്മാണം ആരംഭിക്കാനാകുമെന്നാണ് കരുതുന്നത്. ചുരം രണ്ടാം വളവ് - ചിപ്പിലിത്തോട് - തളിപ്പുഴ ബൈപാസ് റോഡ് കൂടി പൂര്ത്തിയാല് വയനാടിന്റെ യാത്രാ പ്രശ്നങ്ങള്ക്ക് ഒരു പരിധിവരെ പരിഹാരം ആകുമെന്നാണ് അധികൃതരുടെ കണക്കുകൂട്ടല്. വെള്ളിമാടുകുന്ന് മുതല് കുന്നമംഗലം വരെയുള്ള ഭാഗം 24 മീറ്ററില് നാല് വരിയായി നിര്മ്മിച്ചാല് ഉടന് നിര്മ്മാണം ആരംഭിക്കുന്ന മാനാഞ്ചിറ - വെള്ളിമാട്കുന്ന് നാലുവരിപ്പാതക്ക് കുന്നമംഗലം വരെ തുടര്ച്ച ആവുകയും ഈ പ്രദേശങ്ങളിലെ ഗതാഗതക്കുരുക്ക് അഴിക്കാനും സാധിക്കുമെന്നാണ് നാട്ടുകാര് പറയുന്നത്.
ഏഷ്യാനെറ്റ് ന്യൂസ് വാർത്തകൾ തത്സമയം കാണാം
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam