തകർക്കാതിരുന്നത് ഗണപതി പ്രതിഷ്ഠക്ക് മുന്നിലെ വാതിൽ മാത്രം, അതിരപ്പിള്ളിയിൽ ശിവക്ഷേത്രത്തിൽ രാത്രി കാട്ടാന ആക്രമണം; ക്ഷേത്രം ഭാഗികമായി തകർന്നു

തൃശൂർ അതിരപ്പിള്ളിയിൽ കാട്ടാനക്കൂട്ടം ക്ഷേത്രവും വീടും ഭാഗികമായി തകർത്തു. വെറ്റിലപ്പാറ ഫാക്ടറിക്ക് സമീപമുള്ള ശിവക്ഷേത്രമാണ് ആക്രമിക്കപ്പെട്ടത്. ക്ഷേത്രത്തിലെ ഗണപതിയുടെ പ്രതിഷ്ഠയുള്ള ഭാഗം ഒഴികെ മറ്റെല്ലാ വാതിലുകളും ആനകൾ നശിപ്പിച്ചു.

തൃശൂർ: അതിരപ്പിള്ളിയിൽ കാട്ടാന ആക്രമണത്തിൽ ക്ഷേത്രം ഭാഗികമായി തകർന്നു. വെറ്റിലപ്പാറ ഫാക്ടറിക്ക് സമീപമുള്ള ശിവക്ഷേത്രമാണ് ഭാഗികമായി തകർന്നത്. ഇന്നലെ രാത്രിയിലാണ് കാട്ടാനക്കൂട്ടം ഈ പ്രദേശത്ത് എത്തിയത്. തൊട്ടടുത്തുള്ള തൊഴിലാളികളുടെ വീടും ആനക്കൂട്ടം തകർത്തു. ഇന്ന് വെളുപ്പിനാണ് ആനക്കൂട്ടം കാടുകയറിയത്. ക്ഷേത്രത്തിലെ ഗണപതിയുടെ പ്രതിഷ്ഠയുള്ള ഭാഗത്ത് ഒഴികെ മുഴുവൻ വാതിലുകളും ആന തകർത്തു.