തലശ്ശേരി കുടുംബകോടതിയിൽ നാടകീയ രംഗങ്ങൾ, വിവാഹമോചന കേസിൽ ഭാര്യയുടെ അഭിഭാഷകയെ തല്ലി ഭർത്താവ്; പൊലീസെത്തി പിടികൂടി

തലശ്ശേരി കുടുംബ കോടതിയിൽ വിവാഹമോചനക്കേസിന്റെ കൗൺസിലിംഗിനിടെ വനിതാ അഭിഭാഷകയ്ക്ക് മർദ്ദനമേറ്റു. ഭാര്യയുടെ അഭിഭാഷകയായ അഡ്വ. സോണിയയെ ഭർത്താവ് ദിവാകരൻ മർദ്ദിക്കുകയായിരുന്നു. പ്രതിയെ പോലീസ് കസ്റ്റഡിയിലെടുക്കുകയും പരിക്കേറ്റ അഭിഭാഷകയെ ആശുപത്രിയിൽ പ്രവേശിപ്പിക്കുകയും ചെയ്തു

കണ്ണൂർ: തലശ്ശേരി കുടുംബ കോടതിയിൽ വിവാഹമോചനക്കേസിന്റെ കൗൺസിലിംഗിനിടെ വനിതാ അഭിഭാഷകയ്ക്ക് എതിർകക്ഷിയുടെ മർദ്ദനമേറ്റു. വിളക്കോട്ടൂർ സ്വദേശിയായ ദിവാകരനാണ് അഭിഭാഷകയായ അഡ്വ. സോണിയയെ മർദ്ദിച്ചത്. ദിവാകരനും ഭാര്യയും തമ്മിൽ വിവാഹമോചന കേസ് നടക്കുന്നതിനിടെയാണ് മർദ്ദനം. ദിവാകരന്റെ ഭാര്യയുടെ അഭിഭാഷകയാണ് സോണിയ. പരിക്കേറ്റ സോണിയയെ തലശ്ശേരി ജനറൽ ആശുപത്രിയിൽ പ്രവേശിപ്പിച്ചു. പ്രതിയായ ദിവാകരനെ പൊലീസ് കസ്റ്റഡിയിലെടുത്തു.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം