ആറ്റിൽ കണ്ടെത്തിയ യുവതിയുടെ മൃതദേഹം തിരിച്ചറിഞ്ഞു

ശനിയാഴ്ച രാത്രി 7 മണിയോടെ പ്രദേശവാസികളാണ് ഒരു ദിവസം പഴക്കം ചെന്ന  മൃതദേഹം കണ്ടത്. 

നെടുമുടി: പള്ളാത്തുരുത്തി അരയൻതോട് പാലത്തിന് സമീപം ആറ്റിൽ പൊങ്ങിയ നിലയിൽ യുവതിയുടെ മൃതദേഹം കണ്ടത്തി. പുന്നപ്ര സൗത്ത് തോട്ടുങ്കൽ വീട്ടിൽ അനീഷിന്‍റെ ഭാര്യ അനിതയാണ് (32) മരിച്ചത്. ശനിയാഴ്ച രാത്രി 7 മണിയോടെ പ്രദേശവാസികളാണ് ഒരു ദിവസം പഴക്കം ചെന്ന  മൃതദേഹം കണ്ടത്. അഞ്ജാത മൃതദേഹമെന്ന നിലയിൽ പോലീസ് സ്ഥലത്തെത്തി മേൽനടപടി സ്വീകരിച്ചു. മൃതദേഹം വണ്ടാനം മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റുകയും ചെയ്തു. ഇന്നലെ വൈകീട്ടോടെ അനിതയുടെ സഹോദരനെത്തി മൃതദേഹം തിരിച്ചറിയുകയായിരുന്നു.