ചെക് പോസ്റ്റിലെ വാഹന പരിശോധയിൽ കുടുങ്ങി; യുവാവിന്റെ കൈവശമുണ്ടായിരുന്നത് 196 ഗ്രാം കഞ്ചാവ്
Published : Feb 29, 2024, 01:28 PM IST
Synopsis
സുൽത്താൻ ബത്തേരി എസ്.ഐ എ. അനിൽ കുമാറിന്റെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്
സുൽത്താൻബത്തേരി: 196 ഗ്രാം കഞ്ചാവുമായി കോഴിക്കോട് സ്വദേശി പിടിയില്. പൊക്കുന്ന്, കച്ചേരിക്കുന്ന് ഗ്രീന് നെസ്റ്റ് ടി.ടി ജബീര്(41)നെയാണ് സുൽത്താൻ ബത്തേരി എസ്.ഐ എ. അനിൽ കുമാറിന്റെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്.
ബുധനാഴ്ച്ച വൈകുന്നേരം മുത്തങ്ങ തകരപ്പാടി ചെക്ക് പോസ്റ്റില് വാഹന പരിശോധന നടത്തുന്നതിനിടെയാണ് ഇയാള് പിടിയിലാകുന്നത്. സീനിയര് സിവില് പോലീസ് ഓഫിസര്മാരായ പി.കെ. സുമേഷ്, വി.കെ. ഹംസ, കെ.എസ്. അരുണ്ജിത്ത് എന്നിവരും പോലീസ് സംഘത്തിലുണ്ടായിരുന്നു.
ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം...