കടലില് കുളിക്കാനിറങ്ങിയ യുവാവിനെ കാണാതായി
Synopsis
കടലിന്റെ സ്വഭാവം അറിയാതെയാണ് അമന് കുമാറും സംഘവും വെള്ളത്തില് ഇറങ്ങിയത്.
തൃശൂര്: വാടാനപ്പള്ളി തളിക്കുളം തമ്പാന്കടവില് കൂട്ടുകാരോടൊപ്പം കുളിക്കാനിറങ്ങിയ തമിഴ്നാട് സ്വദേശിയായ യുവാവിനെ കാണാതായി. നീലഗിരി പോനൂര് ബോയ്സ് കമ്പനിയില് സുരേഷ് കുമാറിന്റെ മകന് അമന് കുമാറി(21)നെയാണ് തിരകളില് പെട്ട് കാണാതായത്.
രത്തിനം ഐടി കമ്പനി ജീവനക്കാരനാണ്. ഇന്നലെ ഉച്ചയ്ക്ക് രണ്ടിന് നീലഗിരിയില് നിന്നെത്തിയ ആറംഗ സംഘമാണ് തമ്പാന്കടവ് അറപ്പത്തോടിനു സമീപം കടലില് ഇറങ്ങിയത്. അടിയൊഴുക്കും തീരക്കടലില് കുഴികളുമുള്ള ഇവിടെ കഴിഞ്ഞ മൂന്ന് വര്ഷത്തിനിടെ തമിഴ്നാട്ടില്നിന്നുള്ള വിദ്യാര്ഥി ഉള്പ്പെടെ നാലു യുവാക്കള് തിരയില് പെട്ട് മുങ്ങിമരിച്ചിട്ടുണ്ട്.
കടലിന്റെ സ്വഭാവം അറിയാതെയാണ് അമന് കുമാറും സംഘവും വെള്ളത്തില് ഇറങ്ങിയത്. യുവാവിനെ കാണാതായതിനെ തുടര്ന്ന് അഴീക്കോട് തീരദേശ പൊലീസിന്റെ സ്പീഡ് ബോട്ട് തെരച്ചിലിനെത്തിയെങ്കിലും ശക്തമായ തിരയില് ബോട്ടിന് സഞ്ചരിക്കാനായില്ല. തുടര്ന്ന് ഫിഷറീസ് വകുപ്പിന്റെ ബോട്ടെത്തി തെരച്ചില് നടത്തിയെങ്കിലും യുവാവിനെ കണ്ടെത്താനായില്ല. വാടാനപ്പള്ളി പൊലീസും നാട്ടുകാരും സ്ഥലത്തുണ്ട്. തീരദേശ പൊലീസ് കോസ്റ്റ് ഗാര്ഡിന്റെ സഹായം നേടിയിട്ടുണ്ട്.
വീട്ടിലെ ഫ്യൂസൂരി, കെഎസ്ഇബി ഓഫീസിലെത്തി എഇയുടെ ദേഹത്ത് കറിയൊഴിച്ചു, അറസ്റ്റ്, കണക്ഷൻ വീണ്ടും വിച്ഛേദിച്ചു
ഏഷ്യാനെറ്റ് ന്യൂസ് വാർത്തകൾ തത്സമയം കാണാം
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam