രഹസ്യ വിവരം കിട്ടി പൊലീസെത്തി; തൃപ്പൂണിത്തുറയിലെ അപ്പാർട്മെൻ്റിൽ യുവതി അറസ്റ്റിൽ, പിടിച്ചത് 90 ഗ്രാം എംഡിഎംഎ

തൃപ്പൂണിത്തുറയിലെ അപാർട്മെൻ്റിൽ നിന്ന് 90 ഗ്രാം എംഡിഎംഎയുമായി യുവതിയെ പിടികൂടി

കൊച്ചി: തൃപ്പൂണിത്തുറയിലെ അപ്പാർട്ട്മെന്റിൽ നിന്ന് ലഹരി മരുന്നുകളുമായി യുവതി പിടിയിലായി. 90ഗ്രാം എംഡിഎംഎ, 9 ഗ്രാം ഹാഷിഷ് ഓയിൽ എന്നിവയുമായി കൊച്ചി സ്വദേശി ജ്യോതിയെയാണ് പൊലീസ് പിടികൂടിയത്. ഹിൽപാലസ് പൊലീസിന് കിട്ടിയ രഹസ്യ വിവരത്തെ തുടർന്നാണ് സ്റ്റാച്യു ജംഗ്ഷന് സമീപത്തെ അപ്പാർട്ട്മെന്റിൽ പരിശോധന നടത്തിയത്. തൃപ്പൂണിത്തുറ താലൂക്ക് ആശുപത്രിയിൽ മെഡിക്കൽ പരിശോധന പൂർത്തിയാക്കിയ ജ്യോതിയെ കോടതിയിൽ ഹാജരാക്കി റിമാൻഡ് ചെയ്തു.