ബിവറേജിന് തൊട്ടടുത്തെ കട, ഗാന്ധിജയന്തി ദിനത്തിൽ പതിവില്ലാത്ത വരവും പോക്കും; മദ്യം വിറ്റ യുവാവ് അറസ്റ്റിൽ
Synopsis
ബുധനാഴ്ച ഉച്ചയോടെയായിരുന്നു സംഭവം. രഹസ്യവിവരത്തിന്റെ അടിസ്ഥാനത്തില് പൊലീസ് എത്തി കടയില് പരിശോധന നടത്തുകയായിരുന്നു.
കല്പ്പറ്റ: വയനാട്ടിൽ ഗാന്ധി ജയന്തിദിനത്തില് ബിവറേജിനടുത്തുള്ള കടയില് അനധികൃതമായി മദ്യവില്പ്പന നടത്തിയ യുവാവിനെ കല്പ്പറ്റ പൊലീസ് അറസ്റ്റ് ചെയ്തു. ഇരുളം മൂടക്കൊല്ലി മാവത്ത് നിധിന് (34) ആണ് പിടിയിലായത്. ബുധനാഴ്ച ഉച്ചയോടെയായിരുന്നു സംഭവം. രഹസ്യവിവരത്തിന്റെ അടിസ്ഥാനത്തില് പൊലീസ് എത്തി കടയില് പരിശോധന നടത്തുകയായിരുന്നു.
അഞ്ഞൂറ് മില്ലിയുടെ ഒമ്പത് ബോട്ടില് ഇന്ത്യന് നിര്മിത വിദേശ മദ്യം ഇയാളില് നിന്ന് പിടിച്ചെടുത്തു. പൊലീസ് ഇന്സ്പെക്ടര് എ.യു. ജയപ്രകാശ്, എസ്ഐ അനീഷ് ടി, എസ്സിപിഒ മാരായ ജയേഷ്, ബിനില് രാജ്, രാമു, അജികുമാര് എന്നിവരടങ്ങുന്ന സംഘമാണ് പരിശോധന നടത്തിയത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
Read More : കേരളത്തിൽ മഴ ശക്തമാകുന്നു, ആറാം തീയതി വരെ ഇടിമിന്നലോടെ ശക്തമായ മഴ; നാളെ 3 ജില്ലകളിൽ യെല്ലോ അലർട്ട്
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam