കരമനയാറ്റിൽ കുളിക്കാനിറങ്ങിയ യുവാവ് മുങ്ങിമരിച്ചു

 വെള്ളനാട് മിത്രാകോണം സ്വദേശി ഗോകുൽ (20) ആണ് മരിച്ചത്.

തിരുവനന്തപുരം: കരമനയാറ്റിൽ കൂട്ടുകാരുമൊത്ത് കുളിക്കാൻ ഇറങ്ങിയ യുവാവ് മുങ്ങിമരിച്ചു. വെള്ളനാട് മിത്രാകോണം സ്വദേശി ഗോകുൽ (20) ആണ് മരിച്ചത്.

അരുവിക്കര പഴയ പൊലീസ് സ്റ്റേഷനടുത്തുള്ള ബലിക്കടവിൽ ഇന്ന് ഉച്ചയോടെയാണ് ഗോകുൽ കുളിക്കാനിറങ്ങിയത്. കാണാതായതിനെ തുടർന്ന് ഫയർഫോഴ്സ് നടത്തിയ തെരച്ചിലിലാണ് മൃതദേഹം കണ്ടെത്തിയത്.