വളകൾ നോക്കാനായി കയ്യിലെടുത്തു, പിന്നാലെ പുറത്തേക്ക് ഓടി ബൈക്കിൽ കയറി മുങ്ങി, നഷ്ടമായത് ലക്ഷങ്ങൾ

മലപ്പുറം കൊണ്ടോട്ടി പുളിക്കൽ കനകമഹൽ ജ്വല്ലറിയിലാണ് മോഷണം നടന്നത്.

കൊണ്ടോട്ടി: സ്വർണാഭരണം വാങ്ങാനെന്ന വ്യാജേനെ ജ്വല്ലറിയിലെത്തിയ ആൾ ആഭരണങ്ങളുമായി മുങ്ങി. രണ്ടു ലക്ഷത്തിലേറെ രൂപയുടെ ആഭരണങ്ങളുമായാണ് യുവാവ് കടന്നു കളഞ്ഞത്.കഴിഞ്ഞ ദിവസം പട്ടാപ്പകലാണ് സംഭവം നടന്നത്. മലപ്പുറം കൊണ്ടോട്ടി പുളിക്കൽ കനകമഹൽ ജ്വല്ലറിയിലാണ് മോഷണം നടന്നത്. വളകൾ നോക്കാനായി കയ്യിലെടുത്ത ശേഷം 3 വളകളുമായി യുവാവ് പുറത്തേക്ക് ഓടുകയായിരുന്നു. പുറത്ത് ഉണ്ടായിരുന്ന ആളുടെ കൂടെ ബൈക്കിൽ കയറിയാണ് രക്ഷപ്പെട്ടത്. സംഭവത്തിൽ കൊണ്ടോട്ടി പൊലീസ് അന്വേഷണം തുടങ്ങി.