
ന്യൂഡൽഹി: ലുലു ഗ്രൂപ്പ് ചെയർമാൻ എംഎ യൂസഫലിയുടെ 71-ാം ജന്മദിനത്തോടനുബന്ധിച്ച് ഡൽഹിയിലെ അഭയാർത്ഥി ക്യാമ്പിലെ കുട്ടികൾക്ക് ഭക്ഷണം വിതരണം ചെയ്ത് യൂസഫലി ഫാൻസ് ഇന്റർനാഷണൽ. സന്നദ്ധ സംഘടനയായ 'ഫുഡ് ഓൺ വീൽസു'മായി സഹകരിച്ചാണ് നൂറിലധികം കുട്ടികൾക്ക് ഭക്ഷണം നൽകിയത്.
പിന്നോക്ക മേഖലകളിലും തെരുവുകളിലും കഴിയുന്ന കുട്ടികൾക്ക് പോഷകാഹാരവും വിദ്യാഭ്യാസവും നൽകുന്നതിനായി പ്രവർത്തിക്കുന്ന സംഘടനയാണ് ഫുഡ് ഓൺ വീൽസ്. കുട്ടികൾക്ക് പോഷകാഹാരം ലഭ്യമാക്കുന്നതിനും അവരുടെ ഉന്നമനത്തിനുമായി പൊതുസമൂഹം മുന്നോട്ടുവരണമെന്ന സന്ദേശം നൽകിയാണ് പരിപാടി സംഘടിപ്പിച്ചത്. യൂസഫലി ഫാൻസ് ഇന്റർനാഷണൽ പ്രവർത്തകൻ സഹദ് ഫൈസിയാണ് ഭക്ഷണവിതരണത്തിന് നേതൃത്വം നൽകിയത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam