കണക്കിഷ്ടമാണോ? ഡൂഗിള്‍ ഡൂഡിലില്‍ ആരെന്ന് നോക്കാം

ഗണിതശാസ്ത്രത്തില്‍ നിരവധി സംഭാവനകള്‍ നല്‍കിയ വ്യക്തിയാണ് ലെയ്ബിനീസ് കലനത്തിൽ വ്യാപകമായി ഉപയോഗിക്കുന്ന ചിഹ്നനവ്യവസ്ഥ ഗണിതത്തിൽ കൊണ്ടുവന്നത് ഇദ്ദേഹം 

പ്രശസ്തരായവരുടെ ജന്മ, മരണദിനങ്ങളില്‍ അവരായിരിക്കും ഗൂഗിള്‍ ഡൂഡിലില്‍. ഇന്നത്തെ ഗൂഗിള്‍ ഡൂഡില്‍ ഒരു ജര്‍മ്മന്‍ ഗണിത ശാസ്ത്രജ്ഞനാണ്, ഗോട്ട്ഫ്രൈഡ് ലെയ്ബ്നിസ്.​ഗണിതശാസ്ത്രത്തില്‍ നിരവധി സംഭാവനകള്‍ നല്‍കിയ വ്യക്തിയാണ് ലെയ്ബിനീസ്. ജർമ്മനിയിലെ ലീപ്സിഗിലിൽ 1646-ൽ ഒരു കോളേജ് അധ്യാപകന്റെ മകനായാണ് ജനനം. ഇരുപതാമത്തെ വയസ്സിൽ നിയമത്തിൽ ഡോക്ടറേറ്റ് നേടി. 1667-ൽ ഒരു നാടുവാഴിയുടെ കീഴിൽ ഉദ്യോഗസ്ഥനായി ജോലിയിൽ പ്രവേശിച്ചു. ആ ജോലിയിലിരിക്കെത്തന്നെ അദ്ദേഹം ആ പ്രദേശത്തെ നിയമങ്ങൾ ക്രോഡീകരിക്കുകയും, ദർശനശാസ്ത്രം, യന്ത്രതന്ത്രം തുടങ്ങിയ മേഖലകളെ കുറിച്ച് പഠിക്കുകയും എഴുതുകയും ചെയ്തു. ബർലിനിൽ ജർമ്മൻ ശാസ്ത്ര അക്കാദമിയുടെ ആദ്യത്തെ അധ്യക്ഷനുമായിരുന്നു അദ്ദേഹം. 1710-ൽ അദ്ദേഹം പ്രസിദ്ധീകരിച്ച "തിയോഡിസ്" എന്ന ഗ്രന്ഥമാണ് അദ്ദേഹത്തെ പ്രശസ്തനാക്കിയത്.

കലനം, അങ്കഗണിതത്തിലെ ഡിറ്റർമിനന്‍റ്സ് എന്നിവയുടെ രൂപപ്പെടുത്തലുകൾ, ഇന്ന് കലനത്തിൽ വ്യാപകമായി ഉപയോഗിക്കുന്ന ചിഹ്നനവ്യവസ്ഥ എന്നിവ ഗണിതത്തിൽ കൊണ്ടുവന്നതും ലിബ്നീസ് ആയിരുന്നു. കൂടാതെ യന്ത്രികോർജ്ജ സംരക്ഷണനിയമം, അന്തരീക്ഷ മർദ്ദം അളക്കുന്നതിന്‌ രസം ഉപയോഗിക്കാതെ അനറോയ്ഡ് ബാരോമീറ്റർ എന്നിവ രൂപപ്പെടുത്തുന്നതിലും അദ്ദേഹം വഹിച്ച പങ്ക് വലുതാണ്. നിരവധിപേരെ ഗണിതശാസ്ത്ര ശാഖയിലേക്ക് ആകർഷിച്ച ഗണിതശാസ്ത്ര പ്രസിദ്ധീകരണം 1682-ൽ ലിബ്നീസിന്റെ നേതൃത്വത്തിലാണ്‌ സ്ഥാപിച്ചത്. 1716-ൽ അദ്ദേഹം അന്തരിച്ചു.