കുറഞ്ഞ വരുമാനത്തിലും ഇടത്തരം വരുമാനത്തിലുമുള്ള രാജ്യങ്ങളിൽ അവശ്യ ആരോഗ്യ സംരക്ഷണം ലഭ്യമാക്കുന്നതിനുള്ള തടസ്സങ്ങളുണ്ടായിട്ടുളളതായി സമീപകാല പഠനങ്ങൾ തന്നെ സൂചിപ്പിക്കുന്നു. ബ്രിട്ടീഷ് മെഡിക്കൽ ജേണലിലാണ് റിപ്പോർട്ട് പ്രസദ്ധീകരിച്ചത്.
ലണ്ടൻ: കൊവിഡ് -19 മൂലമുണ്ടായ സാമ്പത്തിക മാന്ദ്യത്തിന്റെ ഫലമായി 2020 ൽ താഴ്ന്ന-ഇടത്തരം വരുമാനമുള്ള രാജ്യങ്ങളിൽ 2,67,000 ത്തിലധികം ശിശുമരണങ്ങള്‍ ഉണ്ടായതായി പഠന റിപ്പോര്‍ട്ട്. ഇന്ത്യയില്‍ മാത്രം ഈ കാലയളവില്‍ 99,642 മരണങ്ങൾ രേഖപ്പെടുത്തിയിട്ടുണ്ട്. ആകെ മരണങ്ങളുടെ മൂന്നിലൊന്ന് വരും ഈ സംഖ്യ. ലോകബാങ്ക് ഗവേഷകരാണ് ഇത് സംബന്ധിച്ച പഠനം നടത്തിയത്.
128 രാജ്യങ്ങളിലായി 267,208 ലധികം ശിശുമരണങ്ങൾ ഗവേഷകർ കണക്കാക്കുന്നു, ഇത് 2020 ൽ പ്രതീക്ഷിച്ച മൊത്തം ശിശുമരണങ്ങളുടെ 6.8 ശതമാനം വർദ്ധനവിന് തുല്യമാണ്, കൂടാതെ കൊവിഡ്-19 പകർച്ചവ്യാധി മൂലം ഉടലെടുത്ത വരുമാനത്തിലെ ആഘാതം ശിശുക്കളുടെ അപകടസാധ്യത അടിവരയിടുന്നു.
“കൊവിഡ് -19 തടയുന്നതിനും ചികിത്സിക്കുന്നതിനുമുള്ള ശ്രമങ്ങൾ പരമപ്രധാനമായിരിക്കെ, ആഗോള സമൂഹം സാമൂഹിക സുരക്ഷാ സംവിധാനങ്ങളെ ശക്തിപ്പെടുത്തുകയും അവശ്യ ആരോഗ്യ സേവനത്തിന്റെ തുടർച്ച ഉറപ്പാക്കുകയും വേണം,” ഗവേഷകർ അഭിപ്രായപ്പെട്ടു.
കൊവിഡ്-19 പകർച്ചവ്യാധിയുടെ തുടക്കത്തിൽ തന്നെ, അവശ്യ ആരോഗ്യ സേവനങ്ങളുടെ തടസ്സം കഠിനമാകുമെന്നും ഒരുപക്ഷേ, ആദ്യ ആറുമാസത്തിനുള്ളിൽ ലോകത്ത് 250000 മുതൽ 1.15 ദശലക്ഷം വരെ ശിശുമരണങ്ങൾ ഉണ്ടാകുമെന്നും പ്രവചനങ്ങളുണ്ടായിരുന്നു.
കുറഞ്ഞ വരുമാനത്തിലും ഇടത്തരം വരുമാനത്തിലുമുള്ള രാജ്യങ്ങളിൽ അവശ്യ ആരോഗ്യ സംരക്ഷണം ലഭ്യമാക്കുന്നതിനുള്ള തടസ്സങ്ങളുണ്ടായിട്ടുളളതായി സമീപകാല പഠനങ്ങൾ തന്നെ സൂചിപ്പിക്കുന്നു. ബ്രിട്ടീഷ് മെഡിക്കൽ ജേണലിലാണ് റിപ്പോർട്ട് പ്രസദ്ധീകരിച്ചത്.
ലോകത്ത് ഏറ്റവുമധികം ശിശുമരണങ്ങൾ സംഭവിച്ചത് ദക്ഷിണേഷ്യയിലാണ്. മൊത്തം 113,141 എണ്ണം. ഈ വർഷം പ്രതീക്ഷിച്ചതിലും ഏഴ് ശതമാനം കൂടുതലാണ് മൊത്തത്തിലുള്ള ശിശുമരണ നിരക്ക്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona