ലക്ഷദ്വീപിലെ കവരത്തിയും ഈറോഡും കേന്ദ്രസര്ക്കാരിന്റെ സ്മാര്ട് സിറ്റി പദ്ധതിയില്
Synopsis
ദില്ലി: കേന്ദ്ര നഗരവികസനകാര്യമന്ത്രാലയം നടപ്പാക്കുന്ന സ്മാര്ട്ട് സിറ്റി പദ്ധതിയിലേക്ക് ഒന്പത് നഗരങ്ങളെ കൂടി ഉള്പ്പെടുത്തി. ലക്ഷദ്വീപ് തലസ്ഥാനമായ കവരത്തി, തമിഴ്നാട്ടിലെ ഇറോഡ്, അരുണാചല് പ്രദേശിന്റെ തലസ്ഥാനമായ ഇറ്റാനഗര്, കേന്ദ്രഭരണപ്രദേശമായ ദിയു,സില്വാസാ, ഉത്തര്പ്രദേശിലെ ബറേലി,സഹറാന്പുര്, മൊറാദാബാദ്, ബിഹാര് ഷെരീഫ് തുടങ്ങിയ ഒന്പത് നഗരങ്ങളെയാണ് സ്മാര്ട്ട് സിറ്റി പദ്ധതിയിലേക്ക് പുതുതായി ഉള്പ്പെടുത്തിയിരിക്കുന്നത്. ഇതോടെ സ്മാര്ട്ട് സിറ്റി പദ്ധതിയില് ഉള്പ്പെടുത്തിയ നഗരങ്ങളുടെ എണ്ണം 99 ആയി.
കേന്ദ്രനഗരവികസന മന്ത്രാലയത്തിന്റെ സ്വതന്ത്രചുമതലയുള്ള മന്ത്രിയായ ഹര്ദീപ് സിംഗ് പുരിയാണ് പുതിയ സ്മാര്ട്ട് സിറ്റികളെ പ്രഖ്യാപിച്ചത്. ഈ നഗരങ്ങളുടെ വികസനത്തിനായി 409 പദ്ധതികളിലൂടെ 12,824 കോടി രൂപ കേന്ദ്രസര്ക്കാര് നിക്ഷേപിക്കുമെന്ന് മന്ത്രി അറിയിച്ചു. പട്ടികപുതുതായി പട്ടികയില് ഉള്പ്പെടുത്തിയ നഗരങ്ങളില് മൂന്നെണ്ണം ഉത്തര്പ്രദേശില് നിന്നാണ്.
ഏറ്റവും പുതിയ ബിസിനസ് വാർത്തകളുമായി Money News അപ്പ്ഡേറ്റായി തുടരൂ — മാർക്കറ്റ് ട്രെൻഡുകൾ, Share Market News വാർത്തകളുമായി Tax News, IPO, ബാങ്കിംഗ്, ഫിനാൻസ്, റിയൽ എസ്റ്റേറ്റ്, നിക്ഷേപം, സമ്പാദ്യം തുടങ്ങി സമഗ്രമായ വിവരങ്ങൾ നിങ്ങളുടെ കൈവശം. ദിവസേനയുള്ള Gold Rate Today സ്വർണവില മാറ്റങ്ങൾ എട്ടാം ശമ്പള കമ്മീഷൻ തുടങ്ങിയ വിഷയങ്ങളിലെ ഏറ്റവും പുതിയ അപ്ഡേറ്റുകളും വിദഗ്ധ വിശകലനങ്ങളും അറിയൂ.